A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
Əmi Dada pwuwa n anyakwnui lo n mwa bəgyé; ngye kwo to ɓə nyi nlonu m, mi ɓə ɓa gna fye nge mi lo mii zhniaba aba nu ga fye? Jesnu n ma lo maa aba zhniaba ga fye, mi ɓə jezeɓe ma kwú fye, fyei kwu kwnusnu n mii, nabai əfyehni ce, fyei kwu fyi ń aba n mi dna.
Shi wo ɓə kwu ɓəye da, a la wo gwnulo ncei n əɓa awye, jesnu ənyì kwa ɓwu wo n əɓa awyeba.
Ɓai n awyei kpmiwu zhi byiwuu n əshebmana ɓai gye shi wo ɓə gnyi woi gwnulo, aza ngwnu-aba n aje abwuibwuii kpe ɓa kpmiyazhi n ma ɓa. Ɓa gna, "Əfye Agəliliyi, knyiyi nu zhni fyenyi gnyiagnyi zhi fyei shi əshebmana awye a? Yeisu ye, ń a la wo lá n fye aba, woi gwnulo əshemi nyi, wo ɓə jezeɓe n ɓwasnu nlai nu, shi fye gye woi gwnulo əshemi nyi."
Əza n wo gbmiɓo tu n aɓo ye nyi, wo gna, "Əə, mi ɓe lo ntna əsa wnuyai." Aamyi. Ɓe Dagayi Yeisu.
"Shiawye, mi ɓe lo n tna əsa wnuyai! Əmi gyiba shilo n mii, jesnu mi ɓə ga zahozahoyi kwo she wo ɓə zhni əwo atnutnu n wu.
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
"Ama ntu ń nyipyei yi ɓo kwo əsa, əzaho ta kpe əkwo əye lo m, kwo amaləka ń ɓa fyi n əshemi nyi, kwo Nugwnu m, akpəge Dada nu ɓwasnu gbmanyi. Ngye shi kwo ɓə nyì ń Nuhu anyipyei, nlonu ń kwo ɓə snu n əwyii ń Əza Nugwnu ɓə jezeɓe nyi. Ntuge fyi n anyipyei yi, to nuwnai kwnu-akpma m, aza ɓə laɓa ɓai gyi, ɓai sni, ɓai pa amwula jesnu ɓai kna amwula, nya nyipyei ń Nuhu ɓə lodna ncei n əya nuwnanya; jesnu ɓa to ɓə kpe ɓəhoɓəhoi əye ń kwo ɓə ye kwa zhni m, nya əsa ń nuwna kpmakwnu ɓə ɓe kwaa ɓa kwuya vnyanya. Kwo ɓə ɓwa wu nlonu ń Əza Nugwnu ɓeɓe.
"Ama ntu ń nyipyei yi ɓo, kwo əsa, əzaho ta kpe əkwo əye lo m, kwo amaləka ń ɓa fyi n əshemi nyi, kwo Nugwnu m, akpəge Dada nu ɓwasnu gbmanyi.
Nsaiye, əyi azaje azanugbai n anyikwozai, ntu asa ɓo n anyipyeii n aɓo ye ɓə zhni ncei, kwo to n apmai lo ya kanya ga fye ntu n əɓa ɓo m, ntuge fye kpəlo dəidəi nge, Dagayi nyipyei ɓə ɓe ngye əvyì nu dna n sukwo. Əsa n aza zhi lo ɓai gna, "Bwugbafu n lafyiyai," agbmazhni ɓə ɓe kpe ɓa n əsagbmanyii, shi əɓyima nyasna ɓe kpe nyikwo nubwoda, jesnu ɓa to ɓə pwo m.
"Ntucenu fye kwu zhigwu, ntuge fye ta kpe nyipyei əye lo ń əfye Dagayi ɓə ɓe ncei m. Ama fye ɓwa ɓəye awyega: Ngye pwuwada ɓəə gna wa kwu kpe əsa ń əvyì ɓa ɓe dna ń sukwo yi, wo ɓə ɓa gnyigwu to wa ye ge a lofyi m. Ntulonu əfyenyi ce, fye kwu zhi n əfyehnii yeyei, ntuge Əza Nugwnu ɓə ɓe n əsai nu ń fye to n əwo əɓoi dnalo m.
Ntu əyi Dagayi Yeisu Kirisiti ɓeɓe ɓo jesnu n əyi yezhii n wo aba, yi gna fye, əyi azaje azanugbai n anyikwozai, fye to kwu pye n ashnashnai, kwo fya vnyi ntu nyawu ɓo n a gna kwo kwnu n yi aba nu, kwo n sheɓəgwognai, kwo n ɓədagbmai n gbeɓwo, kwo n pakai; n kwo gyitu lo nge Dagayi nyipyei kwo la luɓe m. Fye to ye zahozahoyi wa dna fye kwoce kwo fyewyi, n zokwo dəhodəhoi m. Ntuge nyipyei yii taa ɓe m, akpəge a kwu tukwognanakwo ɓo zhni jesnu a la əza tna-owaɓwashiyi kpeyawu, əza n a woi znuknyi shi ntu agbmazhni ɓo nyi. Wo ɓə gnyiapaapa jesnu wo ɓə la əwohni latu n du nyahonyahoi n a yi nge Shekwoyi, kwo n a ga kwo mwamwa, nabai woi la əwohni dna n Shekwoyi pwuwa, woi dnawyi nge əwo nu zhni Shekwoyi.
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
Ntuge Dagayi n wohnii tukwoi nu ɓə shnizhi ɓe n əshemi, n əgbetu yaakwoi, n bəgye amaləka tukwoda nyai, n mwayi yiyi Shekwoyi nyai jesnu azafyifyiyi, fyi n Kirisiti, nu ɓə kpmi kalakwu. N dəye avnu, əyi n yi ɓə zhi n wyewyeyi nyi, jesnu n cezhi nyi, yi ɓə shegwnu aje n ɓai n ənyi, yii snu n Dagayii n əshebmana. Nlonu n yi ɓə kwnusnu n Dagayii nyalonyalo.
"Ama fyi n gnyagwnugnya anyipyei yi avnu,
" ‘Nyipyei ɓə la dna wyegbma jesnu əpya to ɓə je əkwo bwuznagna ga m;
akpasi ɓə kaya ń anyìbmana, jesnu anya n ɓa kpe n ashebmana ɓa ɓə jeashna.’
"N əsayii aza ɓə gye Əza Nugwnu woi shnizhi ɓe dna n ənyì n kəsnu kalá yaakwoi n latui. Jesnu wo ɓə tnu əwo amaləkai ɓai ye əwo aknyiknyiyi zhi n anyì awyepmyi asəpa ngwnu-anyi, ənya n kwo laka n anyiceshiba, kwoi lo əsheceshiba.
"She Əza Nugwnu ɓə ɓe dna ń əwo latu n amaləkai vnyanya n kwnusnu ń woi, wo ɓə sasetu ń əwo əbeshnikpegye latuyi. Abye vnyanya ɓə yezhi ń əwo abye, woi gnaɓaaje ngye shi naknayi tnu aknyi ya n abwui nyi. Wo ɓə zhi aknyi n əwo ɓwaizhe jesnu abwui n əwo ɓwaipmi.
Ma gye əshemi n gwuya gnyi jesnu ma gye dokwo bwui n gnyi n abaayi, ai yi əkwo gwnuyi ge, Gbenuyi jesnu Gaiciyayi. N ɓəfyecei nu n wo da owa jesnu woi snukwnú. Əwo awye wulo ngye əná-gwogwoi, jesnu wo ɓə n afnunyi bəgyéi kwnu n əwo tukwo. Wo ɓə n əyei ka tu n əwohni, ń əzahozahoyi ta kpe kwo əye lo m, akpe əwo n əwohnii. Wo n ajei kpe lo n a kwu ɓa dafyi n ami, jesnu ai yi əwo əye ge Shekwoyi Ɓədagbma. Əshemi akwnuyi ɓə laɓa ɓai vyi wo, ɓa ɓə kpe n adokwo bwui jesnu n ajei kpe alulu manai bwuibwui gyigyiyi nya. Əbeyaakwo n gyígyiyi kwoi gbmiɓe n əwo əgbe ədo n wo ɓa znu abye knyi ncei. "Wo ɓə gyibe tu ɓa n snukna bwusii." Wo dna anamnuwnapyiba Shekwoyi Kaláda Duduyi Vnyanya minagyi napyei nya. Tu n əwo əje-kpadalai ɓədo n əwo bwuzhikwoi, wo n əye yéi ka tu lo:
Asu aje Əsu jesnu adagayi aje Dagayii.
Əzadəhodəhoyi ń wo ɓa wó mi vnyinkwo ɓədo ń əmi aɓədagbmai, Əza Nugwnu ɓə wo əwohni vnyinkwo she wo ɓə jezeɓe dna n əwo latu n Dada latui n amaləka agyigyiyii nyai.
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
Ama anugwnudo ayeyeyi fye to kwu əɓo gbmanyi ye zamwi m: N Dagayi aba nyipyei gbmanyi n wu ngye aye dugwu nu, jesnu aye dugwu ngye nyipyei gbmanyi. Dagayi ta zhni kalala n əwo ɓəgbeshi ɓwashii m, she azaho n awyega kalala nyai nyi m. N əkwoɓwi, wo ɓwa bwugba n fyei ntuge wo to ncei pmalo zahozahoyi n fye woi ɓwu m, ama zahozahoyi wa ɓe wa yeabwi.
Ama nyipyei Dagayi nya, kwo ɓə ɓe ngye əvyì nu. Ashebmana ɓə kwu ɓwuwye n əwyiɓei; əná ɓə kwu anya zhniagbma, ɓədo n əknyii n nyahonyahoi n a ɓə zhni fyi n əkwo a ɓə la kwo pmiya.
Shikwonyi a ɓə kwu nyahonyahoi zhniagbma nlai, knyi aza pya nu n fye gwo fya kwu zhni a? Fye kwnuce fya gyianyì fyi n gyigyi nu ɓədo n Shekwoyi dnawoi shi fye tuwye n Shekwoyi nyipyei jesnu fya zhni kwo kwa pye n sii. Əwyii ɓə ɓe n ashebmana agbmazhnii nu n ənái, jesnu anya ɓə la wuya fyi n gwugwurugwu. Ntu əwo ɓəgbeshi ɓo, yi zhi yii tuwye n əshemi woiwoyi nu n əknyii, aba n a zhni ɓəfyece.
N ɓwasnu shi kwo zhni ɓəshishi nu n əza aba, wa fyi znugbmanyi jesnu n dəye avnu ai da wo owa nyi, ntulonu a ɓə la Kirisiti ga znugbmanyi nabai wa kwu azabəgye aleifyi ya; jesnu wo ɓə kpeyaɓe əɓwa baayi, toge woi je aleifyi kwu m, ama woi ɓe n gnyignyii ga aza yi n ɓa zhilo ɓai pmi wo.