A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
मारा बाह ना घोर मे ढेरेत कोपरा से; अने नी हता, ता मे तमने पेलेत की देतो। मे तमारी जुगु जागो तीयार करवा जवा बाज र्यो। अने मे जाय्न तमारी जुगु जागो तीयार कर देही, ता मे तमने लेवा पासो आवही, तमने मारीन्तां ली जही के जां मे रेम तां तमु बी रेवो।
आहयी वात की देदो अने अळतेण ईसु तीमनी देखणते उपर ह़रग मे उचलाय ज्यो, अने वादळु तीने ढाक लेदु।
तीनी जती वखत चेला ह़रग भणी एकडीट्या भाळ रेला हता, तत्यार धोळासप लुगड़ा पेर रेला बे अदमड़ा तीनीन्तां आवीन उबा हय ज्या। अने केदा, "ए गलील मे रेण्या माणहु! तमु ह़रग भणी काहा भाळ र्या? आहयोत ईसु, तमारी वच मे गेथो ह़रग मे उचलाय जेलो से, आहयीत रीते पासो आवहे, जीसम तमु हीने जत्लो देखला से।"
ईसु जे आहयी वात नो गवा से, तीहयो केय, "होव, मे छोटोत आव्वा वाळो से।" आमीन। ए मालीक ईसु आव!
"देख!" मे छोटोत आव्वा वाळो से; अने एक-एक माणहे ना काम नी अनसारे बदला मे आपवा जुगु फोळ मारी पांह से।
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
मनख्या ना सोरा नो आव्वा नो दाड़ो अने टेम ना बारा मे कोयने मालम नी हय, नीता ह़रगदुत ने अने नीता सोरा ने आहयो दाड़ो अने टेम नीस्तो भगवान बाह एतरोत जाणे। जीसम नुहा ना दाड़ा मे हयलु हतु, तेमेत मनख्या नो सोरो आवह़े, तीहया दाड़े बी हयहे। जे दाड़े तक नुहो मोट्ला ढुंड्या मे नी भरायो, तांह तक माणहु खाता-पीता, अने वेवा करता हता। अने उचकाहलोत पाणी आयो, अने तीहयो आखा ने डुबाड़ीन मार नाख्यो, तांह तक आनु कोयने कंय मालम नी पड़्यु तेमेत मनख्यान सोरा नु आवणु बी रेहे।
ईसु अगो केतो ज्यो, "मारो आव्वा नो दाड़ो अने टेम ना बारा मे कोयने मालम नी हय, ह़रगे वाळा ह़रगदुत ने अने मने बी मालम नी हय, आहयो दाड़ो अने टेम भगवान बाह एतरोत जाणे।
हाव ए भायु, अने बेन्या आहयी वात नी जरवत नी हय के टेम अने दाड़ा ना बारा मे तमारी जुगु अळी लीखु। काहाके तमु आह़फा बी वारु जाणो के जेम राते चोट्टु आवे, तेमेत मालीक नो दाड़ो आव्वा वाळो से। जत्यार माणहु केहे, "वारला से, अने कंय बी बीक नी हय" ता तीमनी पोर एक वाहराय गरा आय पड़हे, जेम भारेपोगे बयर पोर आय पड़े, अने तीहया कानी बी रीते नी बचे।
एतरे जागीन चेतीन रेवो, काहाके तमने नी मालम के तमारो मालीक काना दाड़े आवह़े। आहयु वारु रीते ह़मजी लेवो, कदीम घोर ना मालीक ने मालम रेय के चोट्टो राते कानी टेमे आवह़े, ता तीहयो जागलो रेय अने आह़फा ना घोर मे चोरी नी हयवा देय। एतरे तमु बी तीयार रेवो, काहाके जे घड़ी ना बारा मे तमु सोचो बी नी, तीहयी घड़ी मनख्या नो सोरो आय लागहे।
ए भायु, अने बेन्या, हाव आमु आपणा ईसु मसी ने आव्वा ना, अने तीनीन्तां एकठा हयवा ना बारा मे तमारी पांह वीन्ती करया। अने कानी भगवान नी खबर, नीता बोलु, नीता चीट्ठी नी लारे मान लेवो जे अमारीन्तां गेथी हय अने आहयु ह़मजाड़े के मालीक ना दाड़ा आय ज्या ता तमारा मन मे उचकाहलात कमजोर नी हयजो अने नी दुखी हय जो। कानी बी रीते कोयना धोका मे नी आवजे, काहाके जत्यार तक भगवान ना वीरोद मे आखरी वीरोद नी हये तां तक, अने तीहया वेरी माणहे ने नरक मे नाखीन खत्तम नी कर देय, तीहयो उजन्तो नी हये। तीहयो वेरी भगवान नो भक्ती नी चीज नो वीरोद करे, अने आखा माणहु ने चोखलो नीता भगवान केवाड़े, नीता आह़फा ने मोटो बणावे, आञे तक के तीहयो भगवान ना मंदीर मे बहीन आह़फा ने भगवान बणावे।
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
अने मालीक आह़फोत ह़रगे गेथो उतरहे; तीहयी टेमे कुर्रो, अने मोट्ला ह़रगे वाळा खबर लावण्या नी अवाज ह़मळायह़े, अने भगवान नु फेपार्यु वगाड़हे, अने मसी मे मर जेला से, पेले जीवता हय जहे। तत्यार आमु जे जीवत्ला रेहु अने बचला रेहु तीमनी ह़ाते वादळा मे उचलाय जहु काहाके वाहळु मे मालीक ने भेटया; अने आहयी रीते जलम तक मालीक ह़ाते रेहु।
तीहया दाड़ा मे, आहयु दुख ना बाद दाहड़ु अंदारु डुब हय जहे, अने चांद वीजाळु नी आपे। ह़रग मे गेथा तारा हेटा पड़वा बाज जहे, अने ह़रग नी आखी सक्ती हील पड़हे। तत्यार माणहु, मनख्यान सोरा ने आखा मे जोर भरी सक्ती अने बड़ाय भेळे वादळा मे आवत्लो देखहे। तीहयी टेमे तीहयो, आह़फा ह़रग वाळा ह़रगदुत ने मोकलीन तीमनीन तेम धरती नी आहयी धेड़े गेथो ह़ेली धेड़े लग, अने ह़रग नी आहयी धेड़े गेथो ह़ेली धेड़े लग च्यारो-मेर गेथा आह़फा ना टाळला माणहु ने भेळा करहे।
जत्यार मनख्या नो सोरो आह़फा बड़ाय भेळ आवह़े, अने आखा ह़रगदुत तीनी ह़ाते आवहे ता तीहयो आह़फा नी बड़ाय नी राजगादी पोर बहलो रेहे। अने आखा देस ना माणहु तीनी अगळ भेळा करहे। जीसम गुवाळ्यो गाडरा ने बोकड़ा मे गेथो अलग करे, तेमेत तीहयो आखा माणहु ने एक-बीजा गेथो अलग करहे। तीहयो गाडरा ने आह़फा नी जमणी धेड़े अने बोकड़ा ने डाखरी धेड़े उबा करहे।
अळतेण मे ह़रग ने उगड़लु देख्यो, अने ता एक धोळ्ळा घोड़ो हतो; अने तीनी पोर बहण्या ने भरहो करे एवो खरलु केता हता। काहाके नीयाव भेळ तीहयो फेसलो करतो हतो। अने तीनी लड़ाय लड़े। तीना डोळा एवा हता मानो आक्ठु नी आच से, अने तीना मुंडा पोर घण ढेरकी पागड़ी हती। तीनी पोर एक नाम लीखलु हतु, पण तीने सोड़ीन बीजु कोय नी जाणतु के तीहयु ह़ु से। तीहयो लोय मे डुबाड़ला लुगड़ा पेर र्यो हतो, अने तीनु नाम भगवान नो बोल हतु। ह़रगे नो मेळो धोळ्ळा घोड़ा पोर बहीन अने धोळ्ळा अने चोखला लेफड़्या लुगड़ा पेरीन तीनी पसळ-पसळ चाले। जाती-जाती ने मारवा करीन तीना मोडा मे गेथी एक धार वाळी तलवार नीकळी। तीहयो लुहड़ा नो डंडो लीन तीमनी पोर राज करहे, अने जोरभर्यो भगवान नी रीह नु माणलु ह़रु ना कुंड मे अंगुर रोंदळहे। तीना लुगड़ा अने ह़ातळ्या पोर आहयु नाम लीखलु से: "राजा नो राजा अने मालीक नो मालीक।"
कदीम कोय मारी ह़ीकापण ने अने मने हुकारीन मानवा मे लजवायहे, ता मनख्या नो सोरो बणीन आवण्यो बी तीने तीहयी टेमे हुकारीन मानवा मे लजवायहे, जत्यार तीहयो आह़फा ना, अने आह़फा ना बाह ना चोखला ह़रगे वाळा दुत नी बड़ाय भेळ आवह़े।
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
ए मोंगाळ्ळा आहयी वात तमु ना भुलो के मालीक नी नजर मे एक दाड़ो हजार साल बराबर से अने हजार साल एक दाड़ा बराबर से। मालीक आह़फा ना आव्वा ना वायदा मे वार नी करे, जीसम कय माणहु ह़मजे; पण तमारा बारा मे धीरज धरे अने आसम नी चाहतो के कोय खत्तम हये, बाखीन आखा ने मन फीराव्वा नो मोखो जड़े।
पण मालीक ना आव्वा नो दाड़ो चोट्टान तेम आवहे, तीहया दाड़े ह़रग होड़ो-होड़ो अवाज करतु जाय्न खत्तम हय जहे, अने ह़रग नी चीज आक्ठु सी धप जहे खत्तम हय जहे अने धरती अने तीनी पोर ना काम धप जहे।
आहयी आखी चीज आहयीत रीते खत्तम हय जहे ता तमु चोखली चाल-चलण अने भक्ती मे केवा माणहु रेवा जोवे? अने भगवान ना तीहया दाड़ा नी वाट कानी रीते जोव्वा जोवे, अने तीने छोटो आव्वा नी करते कीसम कोसीत करवा जोवे, जीना कारण वादळु आक्ठु सी ओगळ जहे अने वादळु ना तारागण घणा उना हय्न गळ जहे। पण तीना वायदा ना अनसारे आमु एक नवलु ह़रग अने नवली धरती नी आह कर र्या, तां नीस्तु वारलु रेहे।
अने जीसम माणहु नी लेदे एक कावा मरवा अने तीनी बाद नीयाव नु हयणु से जरुड़ी से। तेमेत मसी बी ढेरेत ना पापु ने उचल लेवा नी लेदे एक कावा बादा चड़्यो। अने जे माणहु तीनी वाट जोय रेत्ला, तीमना छुटकारा नी लेदे बीजी कावा वण-पापी देखाव पड़हे।