A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
Ka Paaw inn kya umnaw khaan patae a um; a um khyh lanze um khyh cipaw phe kae hopah vae cih oh. Nanning hanlan umnaw paccyn khylan ka la cceih cih. Kae nynh ka cceih zah nanning hanlan umnaw ka paccyn koute, bua kae thua cih zah, nanning mah ka umnaw kya umbua khylan ka kalan kae hoeibua cih oh.
E bya a ho koute minmin nynh a do cciamang lya hae khe Jesu tuh lawthung thua zah maeking nynh mih muihnaw kyate amaw kha zya a law. Tuhte lawthung athuapaw Jesu kha locceihtu hae nynh vaawlang riri a do cciamang lya hae khe ccungccaw lu ning tuh boeining rawpaw kha lawkute mih pe khe oun thadyn hae. Tuh-e hae nynh, "Galilee ccungccaw hae, pawccemou vaawlang na dothung oh? Nae kyate vaawlang lawthung athuapaw Jesu tuh vaawlang a kaepaw na muih thyh oh hawte bua yn thua cih," a cipya hae.
Hynh-e uccaw hae kong ccaekiakhantupaw nynh, "Thanccingte, kae tuh arangte kae thua vae cih," a ci.
Amen. Bawipaw Jesu, yn thua ccavae!
"Dotua oh, kae tuh arangte kae thua cih; ccungccaw miakaw kha a ryalaw thyhte pya khylan ka kya-e ryalaw mee kha kae ccyngbia cih.
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
"Thuasalama tuh-e nin te ccyh tuh hum nynh sanmah nyh khyh, vaawlang umpaw vaaw hae nynh mah nyh khyh hae, Ccapaw nynh mah nyh khyh, Paaw rou nynh a nyh. Noah she lya hawte nynh Ccungccaw Ccapaw yn thuanaw ccyh tuh yn cyihkuh cih. Pawccecize tuipayn a ynku maw, Noah nynh sanphalung lungkhu lang a tee nin cia, ccungccaw hae tuh aete, niate, zudykute, zudypyakute a um hae. Tuipayn nynh a lou maw hae cia pawte nynh yn cyihkuh cih cipaw nyh khyh hae; tuhawte nynh Ccungccaw Ccapaw yn thua ccyh mah yn cyihkuh cih.
"Thuasalama tuh-e nin te ccyh tuh hum nynh sanmah nyh khyh, vaawlang umpaw vaaw hae te Ccapaw nynh mah nyh khyh hae, Paaw rou nynh a nyh.
Thuasalama uteno hae, accyh te kumvaelori kong tuh nae kalan zei ho vae khyh. Pawccecize Bawipaw Nin tuh khuazi e miruh hawte nynh yn thua cih cipaw kha naemaw nynh ccaerarih lan na ny oh. "Daenaw te khynnaw a um," a ci lya hae khe, ccaaw a poipaw nopinung tungvaw neitangia nynh a thuanua hawte, minmin tungvaw ronaw nynh vaekheihmawte oun thuanua cih hae zah minmin tuh lue lan khyh hae.
Tukeiccuze nae Bawipaw tuh hohtuh nin nynh yn thua cih cipaw kha na ny khyh oh keiccuze paccynkute la ngaw oh. Thuasalama e hynh nyh oh; inn hoitupaw nynh miruh yn thua lanpaw accyh kha a ny ze, miruh nynh a inn kha a kiabia khyh nawlan phang a ngaw cih. Tukeiccuze nanning mah raeringkute um oh, pawccecize na tua khyh oh ccyh lyakhe Ccungccaw Ccapaw tuh yn thua cih.
Atu uteno hae, ah Bawipaw Jesu Khri yn thuanaw konglang te thuasah, amaw kya pynkheihlan ah sueluakunaw oh konglang te thuasah, Bawipaw Nin tuh phe a thua vae paw hawte muisaw te thuasah, bya te thuasah, kaening kyate yn thuapaw ccaky o-ang lante thuasah oun ho hae ze, bungzounaw te siikunaw palou na hoi khyh nawlan oh kae ngia oh. Hum nynh zemah pawpawte sanmah ae la ling nan oh sah; pawccecize tuh-e Nin a thua maw, zynnaw kyate khuliakunaw a umty cih, te seinaw ccungccapaw athuapaw ronaw ccapaw kha yn langkuh cih. Tuh-e paw nynh pachia cite ko athuapaw miakaw te beik athuapaw uccaw hae kha yn rawse cih, amaw te amaw kha tuh-e hae balyn laeze hangthungkute Pachia beikinn kya yn haung cih zah Pachia nynh ka thua cite yn hokuh cih.
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
Pawccecize Bawipaw amaw tuh kawpyanaw roi, vaaw hae lakuze lupi athuapaw roi te Pachia mungkae roi ryte vaawlang te yn rungbung cih. Tetuh Khri kya a chih hae paw tuh masaty oun tho cih hae. Tukoute ah hiinhy oh paw aening tuh vaawlang kya Bawipaw te tungku khylan minmin ryte pynkheihlan maeking kya hangthung ah thua cih oh, tetuh Bawipaw ryte zungzae umkheih lan vae.
"Tuh-e vawsawnaw koute,
tuin ccyh kya khuanin tuh
yn moh cih zah sawpaw mah
aw vae lan khyh.
Vaawlang e awsi hae tuh
oun ccah cih hae zah
vaawlang e huhan balyn tuh
yn hy cih.
Ccungccaw Ccapaw tuh alesaepaw huhan te phu-enaw ryte maeking kyate yn rungpaw kha oun muih cih hae. Aning nynh a vaaw hae kha a saw cih hae zah a popaw ccungccaw hae kha laephi adianaw kyate vaawlang adianaw kyacia, laephi ki kipali kyate oun suelua cih hae.
"Ccungccaw Ccapaw tuh a vaaw hae balyn ryte a phu-enaw te he yn rung te, a phu-enaw bawitungkhung kya yn haung cih. Te minphuin hae balyn kha a malang khe yn pum cih hae; tuurinpaw nynh a tuu hae kha miaa hae kyate a phia hawte aning nynh minmin kha yn phia cih hae. Tuu hae kha a ranglang yn nung cih hae zah miaa hae kha a voilang yn nung cih hae.
Vaawlang tuh hungkuh zah marang rawpaw sa kheit kha ka muih. Tuh-e marang tungvaw a ccikuhpaw tuh Alungzipaw, Ahmepaw cite ko athua; aning tuh dingnaw te byapia zah rhaw a tuk. A mit tuh maeesoi te lokuh zah, a lu vawlan bawilukhung hae a khungkuh; a tungvaw kyakhe amaw laelan hum nynh san a ny leipaw min azeikuhpaw a hoi. Chii kya adungkuhpaw angkiccua kha kikuh zah, a min tuh Pachia Bya a cikuh. Vaawlang e rhawkaw hae nynh arawpaw marang hae kha ccikute, raw zah athyaapaw nebaleihpaw boeining kha lawku biate amaw kha a zui hae. Minphuin hae kha detah nawlan ahepaw thaloi tuh a khalang lungkhu te a pou. Aning nynh minmin kha sivaw hoitang te a uk cih hae; Athung huaccepaw Pachia thinrianaw te asekuhpaw bungpawnaw misu mianaw khu kha aning nynh a syde cih. A angkiccua vawlan te a phae vawlan khe, "Siapharan hae Siapharan, bawi hae Bawipaw," cite azeikuhpaw min kha a hoi.
Humhung zemah kae te ka bya kha a mae yn thyakhaepaw tuh Ccungccaw Ccapaw nynh zemah a phu-enaw, Paaw phu-enaw te vaaw mithyaa hae phu-enaw ryte he yn thua te a maethyakhae ru cih.
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
Thuasalama sungsah hae, Bawipaw hanlan nin kheit tuh kum thong kheit hawte, kum thong kheit tuh nin kheit hawte athuapaw hynh-e uccaw ccangkheit hynh ning nan oh. Ccungccaw abang nynh a thysung cite a tua hae hawte, Bawipaw tuh byakinpyakunaw kong lante a thysung khyh. Lu kheit san ro leite ccungccaw balyn a ngaesiku nawlan hae a ry keiccu nynh aening kya a lungsae. Thuasalama Bawipaw Nin tuh khuazi kya miruh a thua hawte nynh yn thua cih. Tuh-e Nin kya vaawlang tuh myarya ccaepaw siaruanaw khate azo cih, vaawlang a umpaw uccaw hae tuh maee nynh oun u cih hae zah marya oun roh cih. Laephi te a vawlan um hae paw mah phe athang cih hae.
E uccaw hae balyn tuh ro athua cih keiccuze athyaapaw hiinzia te Pachia rawrinaw kya pawcihawpaw ccungccaw lang mou thua lan na ccan oh? Pachia Nin yn thua lanpaw kha na ngaw oh keiccuze tuh-e Nin tuh arangte yn thuasah nawlan hoyte zuakuh oh. Tuh-e nin kya vaawlang tuh maee te ro athua cih, vaawlang e uccaw hae kha maee nynh oun u cih hae. Tuhzemah aening tuh bya oun kinpyaku thyhte dingnaw a umnaw vaaw thawpaw te laephi thawpaw kha nynh ah ngaw oh.
Ccungccaw hae hanlan vaekheit chi lanpaw tuh laerui-awdepaw thua zah tuh-e koute byapianaw a um hawte, Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.