Esita 10

Modekayi bɩndɩrɛ

1 Egyu-dɩrɛ Herihesi ɛ sɩ̀ ose ɛ tɛ bɛnɩ gɛtɛ bè si wo bugyu buu gedikʋn bʋʋ gɩlan ka san getu giinyun fɔ powu alɛ, wù di gɛtɛ ɛkamasɛ èè le lonpoo. 2 Bɛ ŋwara Modekayi waade-mɛlɛ, ma wɔkɛma, wade fɩya ma wɔ bɩndɩrɛ gɛtɛ egyu-dɩrɛ ɛ sɩ̀ wɔ fɔ bɛ sa Mediya ma Perisiya begyu-dɩrɛ boo koro gaade yaakpa yaanɩ. 3 Yuda-te Modekayi ɛ mɛ Egyu-dɩrɛ Herihesi wɔmalɛ. E wura gebù-dɩrɛ wɔ bɛfʋrɩ Yuda bete bɔɔ bʋnʋn, gɛ e di diyere wɔ bɛnɩ Yuda bete baanɩ. Yema alɛ ɛ kpà ɛ tɛ boo gepe. Gɛ ɛ nya gɛtɛ wɔ bɛnɩ powu bɛ sara olila waanɩ.