Tesaloniki Fɔlɔ Suran 5

Ai ye ai rabɛn Isa na waati ɲɛrɔ

1 Nba, n badenmailu, ai mako tɛ a la ko n ye sɛbɛli kɛ ai ma ko ɲinilu kɛ waati ni teleilu la ko rɔ, 2 ka a masɔrɔn ai jɛrɛ ka a lɔn fewu, Maari na lon di kɛ ikomin son ye nala su rɔ ɲa mɛn ma. 3 Mɔɔilu ye jususuma ni lakandannin la ko fɔla waati mɛn na, halaki ye jii ii kan wo waati jɛrɛ le rɔ, ka ii latɛrɛnna ikomin muso den sɔrɔn kɔnɔ wa wuli a la. Ii tɛ nala tankala wo ma muumɛ!