Lucas 22

Piyɛri ko a ma Isa lɔn

54 Nba, ii ka Isa mira, ka wa a ri sarakalasela kuntiiba wara. Piyɛri bilara ii kɔfɛ, kɔni a ma i madon ii la. 55 Mɔɔilu ka ta ladan lu ba ma ye, ka i sii ta dafɛ. Piyɛri fanan nara ka i sii ii tɛma.

56 Baaraden muso do nara ka Piyɛri siini tɛrɛn ta dafɛ. A ka Piyɛri lakɔrɔsi kosɛbɛ, ka a fɔ mɔɔilu yɛ ko: «Cɛɛ ɲin fanan tɛrɛ ye Isa kɔfɛ jɔ.» 57 Piyɛri ma sɔn ka i lɔ wo la. A ka muso jabi: «Muso, n ma a lɔn.» 58 Wo kɔfɛ dɔɔnin, mɔɔ gbɛrɛ nara Piyɛri sɔrɔn ye. Wo ka a fɔ a yɛ ko: «I fanan ye Isa la dɛkuru rɔ jɔ.» Piyɛri ka wo jabi: «Ɛɛn dɛ! Nde sa a rɔ!» 59 A ma mɛn bakɛ, dogbɛrɛ nara Piyɛri yɛ. Wo ka a fɔ fanka la ko: «Sika tɛ a rɔ fewu, cɛɛ ɲin tɛrɛ ye Isa kɔfɛ. I ma a yen, Kalileka le.» 60 Kɔni Piyɛri ka a fɔ ko: «Cɛɛ, n ma i la kuma ɲayen.» Piyɛri banni wo fɔla, dondon kasira i kɔrɔ ye. 61 Wo waati kelen na, Maari Isa ka iyɛlɛman ka a ɲa lɔ Piyɛri rɔ. Piyɛri hankili bilara Maari la kuma rɔ kelendi, ka a masɔrɔn Maari tun da a fɔ a yɛ ko: «Yani dondon ye kasi bi, i ri a fɔ mɔɔilu yɛ haan siɲa sawa ko i ma n lɔn.» 62 Piyɛri bɔra lu ma ka wa kasi kojuuya.