1 Umasiih ugarooyuuh lhamiya. Oontꞌa baraak han bariiteeh tilhanaytee dehaay marna. Tilhanay aree baraak toomaag ishaab tikatiineet toona rhiseen. 2 Tuun tuuna aree, baraakna iknaayaakna tehariwneet teena tingadna tidꞌiiniit, shaawti umidhhaniyookna baagi Ukwaasanaayt sinaakirooy tehariwneet toona rhistini. 3 Baraak suur gwida door Ukwaasana baakaan udehayiit tikwriina. Suur maagnaayt shagaamtiina, wꞌamaag shanhookna tiramna. Askirtiina, haraam saktiina, atoorbi sanama han tꞌabidna. 4 Oontꞌa yꞌarawaakna suur tiibriineeb baraak naanhooy bareeyooh geeb idhaabti tingadna tidꞌiineet toona ajjabseen. Been usabbii aree bareekna eeyꞌatiin. 5 Laakiin baraah Ukwaasanaay dehaay igweebneet toonaatu, idhhaniibwa yꞌayaabwa haakamiiniib barooh ikati. 6 Oon usabbii aree Usakana Udaayiib yꞌayaab han soomamiya. Aflaay baraah toon tuduniyaatiib idꞌiineet toona dehaay haakamameeni harꞌii, ishuukaahna Ukwaasanaay geeb ikwaar iyadna.

7 Kasteeh tinaati agiya idwil. Shaawti bꞌara girmaayeeb akeena aree igarooyeekna kaleewaana aflaay diimaab siileeleen tikatiina. 8 Kastooh toonaati mhakwal, ibakii winneet taktak areeyaana, uureer gwidaat maagnaay giigsiini akay, ibakii taktak areeyaana. 9 Ashkiimtiib anu taktak hadarna. 10 Gaalka Ukwaasana hiiyyaab ikatiyeeb oomyaawii eeraw shagaamiiniyeet toonaatu, Ukwaasanaayt tinꞌima kasteeh tehayꞌaayteesooh daayiib tirashidneet toonaati. 11 Ibhaliiti miyaaw tibariyeek, Ukwaasanaay ibhali sooyaa. Oodehay iraweet shamaamti miyaaw tibariyeek, Ukwaasana iniiweeb ootaad haay dꞌiyaa. Aflaay kasteeh tinaateeb Ukwaasana ibakii Yasuuꞌaab Umasiihi geebii itehammiid. Umatuunwa yꞌakrirwa diimaabwa kassoohoobwa bariiyeeh baꞌiiktiin. Aamiin.

12 Yꞌarawaan, baraakna lhamteeneet tilhanayteet tajribaatiib baaꞌajjabamaana, naat gaat bissaniit dehookna tikatiyeeb baahiisaana. 13 Laakiin Umasiihiit tilhanayteeb shaarakteeneet toona afirhaana, aflaay bariiyuuh umatuun lawiiniyihoob winneet afirheen tikatiin. 14 Umasiihiib oosmi sabbii neewamteeneek, baraakna baarakamteena. Ukwaasanaay umatuuni Shuuk kehookna daayeenayt baarakamteena. 15 Laakiin madoor tari gwiharaab, tari maagtikina, tari dehayiit halaagaaytiib shuumiiniib tikatiyeek, tilhanay astehaltiniya. 16 Baruuk masiihiib tikatiyi sabbii lhamtiniyeek, baasikwꞌa. Laakiin Umasiihiib oosmii waliikamtiniyeet toonaatiib Ukwaasana hamida. 17 Ukwaasanaay dhiwa whaakamamti hooy badooyeeneeb uudoor yꞌaabu, aree uun whukwim hini geeb badooyiiniyeek, Ukwaasanaay wꞌinjiil baasinaakiir baliib naan dehaay iikti tindi? 18 Uuktaab,

"Aashbu eedhhaniineet tuuna akraat tikatiyeek,

baliib Ukwaasana aamanaab baakaywa tumaagtikinaawwa naan dehaay iikti indi?" indi.

19 Aflaay malya, Ukwaasana yharriiweet hayꞌaatii lhameen baliin, infiseehna Ukwaasana Ukhaalig wꞌamiinii dehaay aamaneeneet toonaatu aree tudaayiinaayti dꞌuuy isoorariimneet toonaati.