मेहनत की कीमत
1 अपणा धन खुल्ले मन तै दुसरयां नै बाट दे11:1 अपणी रोट्टी-पाणी के उप्पर गेर दे, क्यूँके भोत दिन कै बाद तू उस ताहीं फेर पावैगा। 2 सात बल्के आठ माणसां नै भी हिस्सा दे, क्यूँके तू न्ही जाणदा के धरती पै के मुसीबत्त आ पड़ैगी। 3 जै बादळ पाणी तै भरै सै, तो उस ताहीं धरती पै उण्डेल देवै सै; अर दरखत चाहे दक्षिण की ओड़ गिरै या उत्तर की ओड़, फेर भी जिस जगहां पै दरखत पड़ैगा, ओड़ पड्या रहवैगा। 4 जो हवा नै देख्दा रहवैगा वो बीज न्ही बोण पावैगा; अर जो बादळां नै देख्दा रहवैगा वो काट्टण भी न्ही पावैगा। 5 जिस तरियां तू हवा11:5 हवा आत्मा के चाल्लण की राह न्ही जाणदा अर किस तरियां तै गर्भवती के पेट म्ह बच्चे की हाड्डियाँ बढै़ सै, उसे तरियां तू परमेसवर का काम भी न्ही जाणदा जो सारा किमे करै सै।
6 सबेरै नै अपणा बीज बो, अर साँझ नै भी अपणा हाथ ना रोकै; क्यूँके तू न्ही जाणदा के कोणसा कामयाब होवैगा, यो या वो या दोन्नु के दोन्नु आच्छे लिकड़ैगें।
7 चाँदणा मन नै भावै सै, अर धूप के देक्खण तै आँखां नै सुख होवै सै।
8 जै माणस भोत साल जिन्दा रहवै, तो उन सारया म्ह खुश रहवै; पर यो याद राक्खै के अँधेरे के दिन भी भोत घणे होवैंगे। जो कुछ होवै सै वो भी बेकार सै।
शरुआती जिन्दगी म्ह परमेसवर की खोज
9 हे जवान, अपणी जवान्नी म्ह आनन्द कर, और अपणी जवान्नी के दिनां म्ह मग्न रह; अपणी मनमान्नी कर अर अपणी निगांह म्ह जो तन्नै सही लाग्गै उसकै मुताबिक चाल। पर यो बात जाण ले, के इन सारी बात्तां कै बारै म्ह परमेसवर तेरा न्याय करैगा।
10 अपणे मन तै खेद अर अपणी देह तै दुख दूर कर, क्यूँके बचपन अर जवान्नी दोन्नु बेकार सै।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)