प्रेरिता रे काम 9

36 याफा नगरो रे तबीता, मतलब-दोरकास प्रभु यीशुए पाँदे विश्वास करने वाल़ी चेली रओ थी। से बऊत खरे काम और दान करदी रओ थी। 37 तिना दिना रे जेबे पतरस लुद्दा नगरो रे था से बमार ऊई की मरी गी और तिने से नुल़ाई की बाऊड़ी रे राखी ती। 38 लुद्दा याफा रे नेड़े था, चेलेया ये सुणी की कि पतरस तेती ये, दो माणूं पेजी की तेसते बिनती कित्ती कि, "आऊणे रे देर नि कर।" 39 तेबे पतरस तिना साथे आईगा और जेबे पऊँची गा, तेबे सेयो तेसखे तेस बाऊड़ी रे लयी गे और तेती सब बिदुआ रोंदिया उईया तेसगे खड़िया ऊई गिया और जो टाल्ले और कुरते दोरकासे तिना साथे रंदे ऊए बणाए थे, दखाणे लगिया।