लूका 23

33 तेबे सेयो तेते जगा रे जेतेखे खोपड़ी बोलो थे, पऊँचे, तेबे तिने तेती यीशु और सेयो दो जणे जो कुकर्मी थे, एक दाँणे कनारे और दूजा खूँजे कनारे क्रूसो पाँदे चढ़ाए। 34 तेबे यीशुए बोलेया, "ओ पिता! इना खे माफ कर, कऊँकि यो नि जाणदे कि क्या लगी रे करने?" और तिने चिट्ठिया पायी की तिना रे टाल्ले बांडी ते। 35 लोक खड़े-खड़े देखणे लगी रे थे और अधिकारी बी मजाक करी-करी की बोलो थे, "इने ओर बचाए, जे ये परमेशरो रा मसीह ए और तेसरा चूणे राए, तो आपणे आपू खे बचाई लो।" 36 सिपाई बी नेड़े आओ थे और सिरका देई की तिना रा मजाक करी की बोलो थे, 37 "जे तूँ यहूदिया रा राजा ए, तो आपू खे बचा।" 38 तिना पाँदे एक दोष-पत्र बी था लगे रा कि, "ये यहूदिया रा राजा ए।"

मन फिराणे वाल़े कुकर्मी

39 जो कुकर्मी लटाकाई राखे थे, तिना बीचा ते एकी जणे यीशुए री निन्दा करी की बोलेया, "क्या तूँ मसीह निए? तो आपू और आसा खे बचा।" 40 तेबे दूजे जणे तेसखे बकी की बोलेया, "क्या तूँ परमेशरो रा डर पनि मानदा? तूँ बी तो सेई सजा पुगतणे लगी रा। 41 आसे तो न्याय रे मुताबिक सजा पाणे लगी रे, कऊँकि आसे आपणे कामो रा अच्छा फल लगी रे पाणे, पर इने कोई बी बुरा काम नि कित्तेया।" 42 तेबे तिने बोलेया, "ओ यीशु! जेबे तूँ आपणे राज्य रे आए, तो मेरी सम्बाल़ बी लयी लया।" 43 तिने तेसखे बोलेया, "आऊँ ताखे सच्च लगी रा बोलणे कि तूँ आज ई मां साथे स्वर्गलोको रे ऊणा।"