लूका 6

सूके रे आथो वाल़े माणूंए खे ठीक करना

6 तेबे एड़ा ऊआ कि केसी ओरी रामो रे दिने सेयो प्रार्थना रे कअरो रे उपदेश देणे लगी रे थे, तेबे तेती एक माणूं आया, जेसरा आथ सूकेया रा था। 7 शास्त्री और फरीसी यीशुए पाँदे दोष लगाणे री ताका रे थे कि देखूँए कि रामो रे दिने तेसखे ये ठीक करोआ की नयी। 8 पर यीशु तिना रे बिचार जाणो थे, तेबे तिने सूके रे आथो रे माणूंए खे बोलेया, "उठ और बीचे खड़े ऊई जा।" से उठेया और खड़ा ऊईगा। 9 यीशुए तिना खे बोलेया, "आऊँ तुसा ते पुछूँआ कि बिधानो रे मुताबिक रामो रे दिने क्या ठीक ए, पला करना या बुरा करना, प्राणो खे बचाणा या नाश करना?" 10 तेबे तिने चऊँ कनारे तिना सबी खे देखी की तेस सूके रे आथो वाल़े माणूंए खे बोलेया, "आपणा आथ आगे कर।" तिने आगे कित्तेया और तेसरा आथ ठीक ऊईगा।