Marcos 4

37 तेबे बऊत बड़ा पारी तूफान आया और लईरा एड़िया आईया कि किस्ती पाणिए साथे परने वाल़ी थी। 38 यीशु पीछे गद्दिया पाँदे सऊणे लगी रे थे, तेबे चेलेया यीशुए खे जगाई की बोलेया, "ओ गुरू! क्या तुसा खे फिकर निए कि आसे डूबणे वाल़े ए?" 39 तेबे यीशु उठी की तूफानो खे बके और पाणिए खे बोलेया, "शान्त रओ और रूकी जा!" और तूफान रूकी गा, तेबे बड़ी शांति ऊईगी। 40 तेबे यीशुए चेलेया खे बोलेया, "तुसे कऊँ डरोए? क्या तुसा खे एबुए तक विश्वास निए?" 41 तेबे चेले बऊत डरी गे और आपू बीचे बोलणे लगे, "ये कूणे, जो न केवल दुष्टात्मा बल्कि तूफान और पाणी बी एसरी आज्ञा खे मानोए?"