Mateus 15

चार ह्जार लोका खे खुलाणा

32 यीशुए आपणे चेले बुलाए और तिना खे बोलेया, "माखे एसा पीड़ा पाँदे तरस आओए, कऊँकि ये तीन दिना ते मां साथे ए और इना गे कुछ बी खाणे खे निए। आऊँ तिना खे पूखे नि पेजणा चांदा, केथी एड़ा नि ओ कि यो बाटा रे थकी जाओ।" 33 चेलेया तिना खे बोलेया, "आसा खे जंगल़ो रे इतणिया सारिया रोटिया केथा ते मिलणिया कि आसे इतणी बड़ी पीड़ा खे रजाई सकिए?" 34 यीशुए तिना ते पूछेया, "तुसा गे कितणी रोटिया ए?" तिने बोलेया, "सात, और कुछ छोटिया मछलिया ए।" 35 तेबे तिने लोका खे जमीना पाँदे बैठणे री आज्ञा दित्ती। 36 और तिने सेयो सात रोटिया और मछलिया लईया और धन्यवाद करी की तोड़िया और आपणे चेलेया खे दित्तिया और चेलेया लोका खे। 37 तेबे सब तिना खाई की रज्जी गे और चेलेया बचे रे टुकड़ेया ते परे रे सात टोकरे चके। 38 खाणे वाल़े, जवाणसा और बच्चेया खे छाडी की चार ह्जार मर्द थे