Mateus 3

यूहन्ना बपतिस्मा देणे वाल़ा

1 तिना दिना रे यूहन्ना बपतिस्मा देणे वाल़ा यहूदिया रे सुनसाण जगा रे आयी की ये प्रचार करने लगेया, 2 "मन फेरो; कऊँकि स्वर्गो रा राज्य नेड़े आईगा रा।" 3 ये सेई माणूं ए, जेसरी गल्ल यशायाह भविष्यबक्ते कित्ती थी कि,

"सुनसाण जगा रे एक आक्का पाणे वाल़े री आवाज ओई,

‘प्रभुए री बाट त्यार करो,

और तिना री सड़का सीदिया करो।’ "

4 तिने यूहन्ने ऊँटो रे बाल़ो रे टाल्ले पईनी राखे थे और आपणे लको रे चामड़े रा पट्टू बानेया रा था और तेसरी रोटी टिड्डिया और बणो रा सईत था। 5 तेबे यरूशलेमो रे, सारे यहूदिया प्रदेशो रे और सारे यरदन देशो रे ओरले-पोरले माणूं तेसगे आए। 6 तेबे तिने आपणे-आपणे पापो खे मानी की यरदन नदिया रे तेसते बपतिस्मा लया।