मत्ती 9

दो अन्देया खे नजरा रा दान

27 जेबे यीशु तेथा ते आगे गए, तेबे दो अन्दे तिना पीछे ये बोली की आक्का लगे पाणे, "ओ दाऊदो री ल्वाद! आसा पाँदे दया कर।" 28 जेबे सेयो कअरे पऊँचे, तेबे सेयो दो अन्दे तिना गे आए, तेबे यीशुए तिना खे बोलेया, "क्या तुसा खे विश्वास ए कि आऊँ तुसा खे ठीक करी सकूँआ?" तिने बोलेया, "आ प्रभु।" 29 तेबे यीशुए तिना रिया आखिया छुँईं की तिना खे बोलेया, "तुसा रे विश्वासो रे मुताबिक तुसा साथे ओ।" 30 और सेयो तेबुई देखणे लगे। यीशुए तिना खे सावधान करदे ऊए बोलेया, "देखो! कोई बी एसा गल्ला खे नि जाणो।"