1 कुरिन्थियों 7

ड्लाहेरे बारे मां सवाल

1 हुनी अवं तुश्शे तैन सवालां केरो जुवाब देताईं, ज़ैना तुसेईं अपने चिट्ठी मां पुछ़े, तुसेईं पुछ़ू, इन रोड़ूए कि लोक ड्लाह न बनान? 2 हाँ इन ज़रूरी आहे कि बदमाशी केरनेरे डरे सेइं हर मड़देरी कुआन्श, ते हर कुआन्शरो मुन्श भोए। 3 मुन्श अपने कुआन्शरू हक पूरू केरे; ते तेन्च़रे कुआन्श भी अपने मुन्शेरू। 4 कुआन्शी अपने जिसमे पुड़ अधिकार नईं, पन तैसेरे मुन्शेरो अधिकारे; तेन्च़रे मुन्शे भी अपने जिसमे पुड़ अधिकार नईं, पन कुआन्शी। 5 तुस एक्‍की होरि करां अलग न भोथ; पन सिर्फ थोड़े च़िरेरे लेई बिस्तारे सेइं कि प्राथनारे लेई फुर्सत मैल्हे, ते फिरी अकोट्ठे भोथ, कि एरू न भोए, शैतान तुसन परखे।