9 पन तुस तैन केरे ज़ेरे नईं किजोकि तुस परमेशरेरे च़ुनोरे लोक आथ, परमेशर ज़ै राज़ोए, तुस तैसेरे याजक आथ, तुस एरे लोक आथ ज़ैनेईं अपनो आप परमेशरे सौंफोरोए, ते परमेशरेरे अपने लोक आथ। तैने तुस आंधरे मरां बड़े लौई मां कुजेवरेथ, ताके तुस परमेशरेरे महान कम्मां केरे बारे मां एलान केरथ। 10 तुश्शे बारे मां होशे नेबे ज़ैन ज़ोवरू तैन सच़्च़े,

"तुस पेइले परमेशरेरे लोक न थिये पन हुनी तुस परमेशरेरे लोक आथ।

तुस पुड़ पेइले परमेशरेरी दयाई न थिये ज़ानते पन हुनी ज़ानतथ,

किजोकि तैने तुसन पुड़ अपनि दया हिरेवरीए।"