1 तीमुथियुस 1

झूठी शिक्षा देनेबालां केरे खलाफ खबरदारी

3,4 हे तीमुथियुस ज़ेन्च़रे तू ज़ानतस, इफिसुस नगरे मां किछ एरे लोक आन ज़ैना गलत शिक्षा देतन। तैना लगातार झूठी कहैनी शिखालतन ते पूर्वजां केरे नव्वां केरे बारे मां शिखालतन। ज़ैखन अवं इफिसुस नगरेरां मकिदुनिया इलाके जो गानेरे लेई तियार थियो, त मीं तीं ज़ोवरू थियूं कि इफिसुस नगरे मां रा ते तैन ज़ो, कि एरी ज़ेरि शिक्षा न देतन, ज़ैखन तैना एरी ज़ेरि शिक्षा देतन त लोक तैन केरे बारे मां बेंस केरतन। नितीजो ई आहे, ज़ैन कम परमेशरे दित्तोरूए, शिखालनेबाले तैन नईं लेवरे केरने ज़ैन सिर्फ परमेशरे पुड़ रेखतां भोइ सकते।