1 तीमुथियुस 6

9 पन ज़ैना धनी भोनो चाए, तैना इन सब पाप केरतां बड़े आसान तरीके सेइं धोखो खातन, ज़ेन्च़रे जानबर ज़ाले मां फसतन तेन्च़रे तैना फसतन। तैना इन केरनू चातन ज़ैन तैन केरे लेई बेवकूफी ते खतरोए, ते एरी इच्छां तैन बरबाद ते नाश केरनेरे पासे नेतिन। 10 किजोकि पेइंसां केरू लालच़ सेब्भी किसमेरे बुरैइअरी वजाए, किछ लोकेईं बले-बले मसीह पुड़ विश्वास केरनो शारो किजोकि तैना धनी भोनू चाते थिये, ते तैनेईं तैस मैन्हेरो ज़ेरो बड़े तरीकन सेइं दुख झ़ैल्‍लो ज़ै अपने आपे कोन्ची हथियारे सेइं ज़खमी केरते।