12 एल्हेरेलेइ परमेशरेरे च़ुनोरां केरे ज़ेरे ज़ैना पवित्र ते ट्लारेन, बड़ी करुणा, ते भलियाई, ते दीनता, ते नम्रता, ते बरदाशत धारण केरा। 13 ते अगर केन्ची, केन्ची पुड़ दोष लांनेरी वजा भोए, त एक्‍की होरेरी झ़ैल्‍लां, ते एक्‍की होरेरे पाप माफ़ केरा, ज़ेन्च़रे प्रभुए तुश्शे पाप माफ़ केरे, तेन्च़रे तुस भी केरा। 14 इन सेब्भन करां बा प्यारे ज़ै सेब्भन सिद्धतारो पटकोए बन्धा। 15 ते मसीहेरी शान्ति ज़ेसेरे लेई तुस अक जान भोनेरे लेई कुजेवरे भी आथ, तुश्शे दिलन मां राज़ केरे, ते तुस शुक्र केरते राथ।