दानिय्येल 1

17 ते परमेशरे तैन च़ेवरे जुवानन सब शास्त्र ते हर किसमेरे विद्या मां अक्लमन्दी मां महारत दित्ती; ते दानिय्येल हर किसमेरे दर्शन ते सुपनेरो मतलबेरो ज्ञानी भोइ जेव।✝1:17 याक. 1:5,17. 18 तैखन ज़ेत्रे दिहैड़ी केरे बाद नबूकदनेस्सर राज़े जुवानन अन्तर एजनेरो हुक्म दित्तोरो थियो, तेत्रे दिहाड़े बीतने पुड़ खोजां केरे प्रधाने तैना राज़े कां पेश किये। 19 ते राज़ो तैन सेइं गलबात केरने लगो; ते दानिय्येल, हनन्याह, मीशाएल ते अजर्याहेरे बराबर तैन जुवानन मरां कोई न भोव; एल्हेरेलेइ तैना च़ेवरे राज़ेरे मेहले मां सेवा केरने लगे।