12 तैसेरां बाद पिलातुसे यीशु हथरां छ़डनो चाव, पन यहूदी लोक चिन्डां मेरतां ज़ोने लगे, "अगर तू एस मैन्हु हथरां छ़डेलो त तू महाराज़ेरे पासे नईं, ज़ै कोई अपनो आप राज़ो बनाते तै महाराज़ेरे खलाफ भोते।" 13 ज़ैखन पिलातुसे एन शुनू त तैनी यीशु बेइर कुजेइतां अपने आदालतरे तखते पुड़ बिश्शो ज़ैस जो इब्रानी भाषाई मां, गब्बता, ज़ोतन। 14 तै फ़सह तिहारेरी तियैरारी दिहाड़ी थी ते दुपहरां केरे करीब थियो, तैखन पिलातुसे यहूदी लोकन जो ज़ोवं, "हेरा, ई तुश्शो राज़ो!" 15 पन तैना ज़ोरे-ज़ोरे सेइं ज़ोने लगे, "एस इट्ठां दूर ने! इट्ठां दूर ने! ते एस क्रूसे पुड़ च़ाढ़!" पिलातुसे ज़ोवं, "कुन अवं तैस ज़ै तुश्शो राज़ो क्रूसे पुड़ च़ैढ़ी?" प्रधान याजकेईं ज़ोवं, "महाराज़ेरे अलावा इश्शो कोई राज़ो नईं।" 16 एसेरां बाद पिलातुसे यीशु तैन केरे हवाले कियो, ताके तैना तैस क्रूसे पुड़ च़ाढ़न।
क्रूसे पुड़ च़ाढ़ू गानू
(मत. 27:32-44;मरक. 15:21-32;लूक. 23:26-43)