17 यीशु अपनु क्रूस छ़ुइतां खोपड़ी जो च़लो ज़ैस जो इब्रानी मां गुलगुता ज़ोतन। 18 तैड़ी तैनेईं यीशु ते तैस सेइं साथी दूई डैकू भी क्रूसे पुड़ च़ाढ़ो, अक तैसेरे देइने पासे होरो बांए पासे ते यीशु मझ़ाटे। 19 पिलातुसे एक्की पेखड़ी पुड़ तैसेरो दोष लिखतां क्रूसे पुड़ लाई तैस पुड़ लिखोरू थियूं, "यीशु नासरी यहूदी केरो राज़ो।"
23 ज़ैखन सिपेहियेई यीशु क्रूसे पुड़ च़ाढ़ो त तैनेईं यीशुएरे लिगड़ां बंटां ते तैन केरे च़ेवरे हिस्से किये, ताके सेब्भन अक-अक हिस्सो मैल्हे सिर्फ तैसेरू कोट बाकी रावं, ज़ैन बा ते बुना तगर अक्के थियूं। 24 तैना एप्पू मांमेइं ज़ोने लगे, "एसेरे टोटे केरनेरे बजाए ज़ेसेरे नंव्वे पुड़ परची निसेली लिगड़ां तैसेरां भोल्हां।" एन एल्हेरेलेइ भोवं कि ज़ैन पवित्रशास्त्रे मां लिखोरू थियूं तैन पूरू भोए कि, "तैनेईं मेरां लिगड़ां बन्टा ते मेरे कोटेरे लेई चिट्ठी छ़डी ते सिपैहीयेइं एन कियूं।"
25 यीशुएरे क्रूसे कां तैसेरी अम्मा ते तैसेरी अम्मरी बेइन मरियम ज़ै क्लोपासेरी कुआन्श थी, मरियम मगदलीनी खड़खड़ी थी। 26 यीशुए अपनि अम्मा ते अक अपनो चेलो ज़ैस सेइं तै प्यार केरतो थियो, तैस कां नेड़े खड़खड़ो लाव त तैनी अपने अम्मा सेइं ज़ोवं, "हे कुआन्श, हेर, तेरू मट्ठूए।" 27 ते चेले जो ज़ोवं, "अज़्ज़ेरां बाद, ई तेरी अम्मा आहे, तैनी चेले तैखने तै अपने घरे नेइ।"
यीशुएरी मौत
(मत. 27:45-56;मरक. 15:33-41;लूक. 23:44-49)
28 ज़ैखन यीशुए ज़ांनू कि हुनी सैरी गल्लां पूरी भोइजेइ, एल्हेरेलेइ ज़ेन्च़रे पवित्रशास्त्रेरे मां लिखोरू थियूं तैन पूरू भोवं त तैनी ज़ोवं, "मीं ट्लिश लग्गोरीए।" 29 तैड़ी अक भांड सिरके सेइं भेरतां रखोरू थियूं, केन्चे जूफारी डालड़ी तैस मां डोबतां यीशुएरे ऐशी सेइं हुराई। 30 ज़ैखन यीशुए च़ख्खू त तैनी ज़ोवं, "पूरू भोवं" ते क्रोड़ी ट्लोड़तां अपने प्राण दित्ते।