4 तैखन पिलातुसे फिरी बेइर गेइतां लोकन सेइं ज़ोवं, हेरा, "अवं तैस तुसन कां फिरी बेइर आनताईं, तुसन पतो लगे कि मीं एसमां कोई जुर्म न लेइहोव।" 5 ज़ैखन यीशु कंटां केरू ताज दोग्गे पुड़ रेखतां ते बैंगनी लिगड़ां लेइतां बेइर आनो त पिलातुसे तैन सेइं ज़ोवं, "हेरा ई मैन्हु।" 6 ज़ैखन प्रधान याजक ते मन्दरेरे पहरदारेईं यीशु लाव त ज़ोरे-ज़ोरे चिन्डां मैरतां ज़ोने लगे, "एस क्रूसे पुड़ च़ाढ़ा, एस क्रूसे पुड़ च़ाढ़ा!" पिलातुसे तैन सेइं ज़ोवं, "तुस्से एस नेथ ते क्रूसे पुड़ च़ाढ़ा, किजोकि अवं एसमां कोई दोष न लेहीं।"