गलील इलाकेरे काना नगरे मां यीशु पेइलो चमत्कार केरते।
1 तैल्ला पत्ती, ट्लेइयोवं दिहाड़े गलील इलाकेरे काना नगरे मां केन्चेरो ड्लाह थियो। यीशुएरी अम्मा भी तैड़ी थी। 2 यीशु ते तैसेरे चेलन भी धाम कियोरी थी। 3 ज़ैखन दाछ़रो रस मुक्को, त यीशुएरी अम्मा तैस सेइं लगी ज़ोने, "एन कां दाछ़रो रस मुक्कोरोए।" 4 यीशु लगो ज़ोने, "अम्मा, मीं तीं सेइं कुन कम? हेजू मेरो वक्त नईं एवरो।"
5 तैसेरे अम्मा नौकरन सेइं ज़ोवं, "ज़ैन किछ यीशु तुसन सेइं ज़ोए, तैन्ने केरथ।"