यूहन्ना 4:19-26

19 तैस कुआन्शां ज़ोवं, "हे प्रभु, मीं लगते तू कोई नबी आस। 20 इश्शे दादे-पड़दादेईं इस पहाड़े पुड़ आराधना की, पन तुस यहूदी लोक ज़ोतथ कि ज़ैड़ी आराधना कियोरी लोड़चे, तै ठार सिर्फ यरूशलेम आहे।" 21 यीशुए तैस कुआन्शी जो ज़ोवं, "हे कुआन्श, मेरी गल्‍लरो विश्वास केर, कि तै मौको भी एज्जी राहोरोए, कि तुस लोक बाजी केरि आराधना न त इस पहाड़े पुड़ केरेले ते न यरूशलेमे मां केरेले। 22 तुस सामरी लोक ज़ेसेरी आराधना केरतथ तैस न ज़ानथ, पन अस यहूदी लोक ज़ेसेरी आराधना केरतम तैस ज़ानतम, किजोकि मुक्ति यहूदन मरां आहे। 23 पन तै मौको एज्जी राहोरोए बल्के एवरोए, ज़ैखन सच़्च़े भक्त बाजेरी आराधना आत्मा ते सच़्च़ैई सेइं केरेले, किजोकि बाजी एरे ज़ेरे सच़्च़े भक्त तोपते। 24 परमेशर आत्मा आहे, एल्हेरेलेइ तैसेरे भक्त तैसेरी आराधना आत्मा ते सच़्च़ैई सेइं केरन।" 25 कुआन्शां तैस सेइं ज़ोवं, "अवं ज़ानती कि मसीह, ज़ैस जो ख्रिस्त ज़ोतन एजनेबालोए, ज़ैखन तै एज्जेलो तै सब किछ समझ़ालो।" 26 तैखन यीशुए ज़ोवं, "अवं ज़ै तीं सेइं गल्‍लां लगोरोइं केरने तैए मसीह आईं।"