लूका 10

दया दिल सामरी मैन्हेरी मिसाल

25 एक्सां यीशु लोकन शिक्षा देने लेवरो थियो, ते हेरा, अक शास्त्री खड़ो भोव, ते इन ज़ोइतां तैस अज़माने लगो, "हे गुरू, हमेशारी ज़िन्दगी हासिल केरनेरे लेई अवं कुन केरि?" 26 तैनी तैस जुवाब दित्तो, "मूसेरे कानूने मां कुन लिखेरूए? तू केन्च़रे समझ़तस?" 27 तैनी जुवाब दित्तो, "तू प्रभु अपने परमेशरे सेइं अपने सारे दिले, सैरी जानी सेइं, ते अपनि सैरी ताकती सेइं ते अपनि सैरी अक्ल सेइं प्यार रख, ते अपने पड़ोसी सेइं अपने बराबर प्यार केर।" 28 तैनी तैस सेइं ज़ोवं, "तीं ठीक जुवाब दित्तो एन्ने केर, फिरी तीं हमेशारी ज़िन्दगी मैल्हेली।"