लूका 8

यीशुएरी शिक्षा

1 थोड़े च़िरेरां बाद एरू भोवं यीशु अपने तैन 12 चेलेन सेइं साथी नगर-नगर ते ड्लाव्वें-ड्लाव्वें हंठतो ते प्रचार केरतो राव, ते परमेशरेरे राज़्ज़ेरी खुशखबरी शुनातो राव। 2 किछ कुआन्शां भी तैन सेइं साथी थी, ज़ैन मरां भूतां केरो सैयो कढोरो थियो। ते ज़ैन केरि बिमैरी दूर भोवरी थी, तैना केरां नंव्वां इना आन, मरियम ज़ै मगदलीन ड्लंव्वेरी रानेबाली थी, ज़ैस पुड़ां सत भूतां केरो सैयो कढोरो थियो, 3 हेरोदेस राज़ेरे भण्ड़ारी खोजेरी कुआन्श योअन्ना ते सूसन्नाह ते होरि भी काई कुआन्शां थी ज़ैना अपनि जेइदात देइतां यीशु ते तैसेरे चेलां केरि सेवा केरती थी।