Lucas 8

43 ते अक कुआन्श भी थी, ज़ैस 12 सालां केरि खून च़लनेरी बिमारी थी। ते तैसां अपनो सारो ज़िन्दगरो पेइंसो हकीमन कां अल्‍लाज़ेरे लेई खर्च़ कियोरो थियो, ते तै केन्चेरे हथ्थे ठीक न भोइ। 44 तै कुआन्श यीशु पुतोरां एइतां तैसेरे चोगे सेइं हुरी, त अकदम तैसेरी खून च़लनेरी बिमारी बेज़्झ़ोईं। 45 यीशुए ज़ोवं, "मेरे लिगड़े सेइं केनि हथ लाव?" ज़ैखन सब लोक इन्कार केरने लगे, त पतरसे ते तैसेरे सैथेईं ज़ोवं, "ए गुरू, लोक तीं ढ्लन्च़ने ते तीं उन्ढे बिछ़ड़ने लगोरोस।" 46 पन यीशु ज़ोवं, "केन्चे मीं सेइं हथ लेवरोए किजोकि मीं पतो लगो कि मीं मरां शक्ति निसोरिए।" 47 तैखन तैस कुआन्शां हेरू, कि अवं छ़ेप्पी न बेटि, त तै डरती-डरती सामने अई ते यीशुएरे पव्वन पुड़ बिछ़ड़तां सैरी लोकां केरे सामने ज़ोने लगी, मीं तीं सेइं हथ लेवरोए, ते ज़ेरो मीं हथ लेवरोए अवं अकदम बेज़्झ़ोरी। 48 यीशुए तैस कुआन्शी ज़ोवं, "हे कुइये, तेरे विश्वासे तू बझ़ाई ते खुशी सेइं च़ली गा।"