Marcos 5

25 तैस भीड़ी मां अक कुआन्श भी थी, ज़ैस 12 सालां केरि खून च़लनेरी बिमारी थी। 26 तैसां बड़े बेइदन करां बड़ो दुख झ़ैल्‍लो। बिमारी ठीक भोनेरे लेई तैसां अपने सब पेइंसे खेर्च़ी दित्ते, पन तैस कोई फैइदो न भोव। पन तै होरि भी जादे बिमार भोइ जेई। 27,28 तै यीशुएरे बारे मां शुन्तां अपने दिले मां ज़ोती थी, "अगर अवं सिर्फ तैसेरे लिगड़े सेइं हथ लाएली, त अवं बेज़्झ़ोईं गाली।" एल्हेरेलेइ तै मैन्हु केरि भीड़ी मां यीशुएरे पत्रेवरां आई ते तैसेरे लिगड़े सेइं हथ लाव। 29 ज़ैखन तैसां यीशुएरे लिगड़े सेइं हथ लाव, त अकदम तैसेरो खून च़लनेरी बिमारी बेज़्झ़ोईं। तैसां अपनि जानी मां बुझ़ू कि अवं तैस बिमारी करां बेझ़ोरी आईं।