Colosianji 1

Omlu sh-Lucrul al Hristos

15 Elu easti icoana a nividzutlui Dumnidzã, prot-amintat a tuti fãpturilor,

16 cã tu nãsu s-adrarã tuti

atseali cai suntu tu tseruri sh-atseali di pri loc,

atseali vidzutili sh-atseali nividzutili,

thronurili, domnilji, printsipãtsili sh-autoritãtsili.

Tuti suntu adrati prit nãsu sh-trã nãsu.

17 Elu easti nãinti di tuti faptili,

sh-tuti sta deadun tu nãsu.

18 Elu easti caplu a truplui,

tsi va s-dzãc a bisearicãljei.

Elu easti apãrnjita sh-protlu-amintat dit mortsã,

tsi elu si s-fac protlu la tuti.✝1:18 Ef 1:22-23.

19 Cã a Dumnidzãlui lj-arsi tsi tu Hiljilu a lui s-bãneadzã tutã mplinãtatea a Dumnidzãlui.

20 Sh-prit Hiljiu s-puitueascã tuti cu Dumnidzãlu,

atseali cai suntu pri loc sh-atseali cai suntu tu tser,

fãcãnda pace prit sãndzili a lui virsat tu crutsi.✝1:20 Ef 2:16.