1 मादी कुळीन राजु सयर्‌सेन*9:1 अहसवेरोसेन पुर्‌यु पुर्‌यु दारु हतलु, कसदीन राज्‌य पर राज करने बाजी गुयलु। 2 तेरा राजेन पेहला साल मां, मेसेक दानीयल ने चुखला सास्‌तुरेन साहरे समजी लेदु की यरुसलेम माय्‌न उजड़ी दसा यहोवा भगवानेन तीना बुलेन साहरे जु यीरम्‌या जु भगवान धड़े पुग्‌या, थुड़ाक साल वीतणे पर मतलब सत्‌तर साल अळतेन आखी हय जासे।✝9:2 यीरम्‌या 25:11; 29:10 3 तत्‌यार मे मारो मुंहडो मालीक भगवान भीणी करीन लीलघायन दुवा करने बाजी गुयु, ने उपास पाळीन, ने गनटाट्‌यो पांघरीन, ने रखड़ा पर बठीन वीनती करने बाजी गुयु। 4 ने मे यहोवा भगवान भीणी असी दुवा कर्‌यु, की मे पापेन माफी मांग्‌यु, ए यहोवा भगवान तु बेसकु ताकत वाळु ने ईज्‌जत वाळु भगवान छे,

जु आपसा सी परम करने हुकुम मान्‌ने वाळा पुठे आपणा कायदा काजे पुरो करे ने दया कर्‌या करे।

5 बाकुन ए यहोवा भगवान हामु ते पापी छे, हामु ते बुराई करला छे, हामु ते वीरुद कर्‌या, ने हामु ते गलत काम कर्‌या, तारा नेम ने हुकुम काजे तुड़ देद्‌ला छे। 6 तारा जे चेला भगवानेन अघली वात बताड़ने वाळा माणसे छे, हामरा राजा, मुखी माणसे ने आड़ा-बुड़ा ने आखा धरतीन माणसे तार नाव सी वात करतेला, ने तींद्‌री हामु नी सामळ्‌या। 7 ए मालीक तु धरमी छे, बाकुन हामु माणसे काजे आजुन दाहड़ा लक लाजवायणु पड़तेलो। बाकुन यरुसलेम मां रह्‌णे वाळा आखा यहुदी काजे, काय धड़े वाळा काय छेटे वाळा आखा इस्‌राएली माणसे काजे, तीनुक तु तीनु धुकु देणेवाळा जे तार साते करला छे, राज मां रावण्‌या-तीवण्‌या कर देदा, तीनु आखा काजे लाजवायणु पड़े। 8 ए यहोवा भगवान, हामु ने हामरा राजा ने डाहा-डाहा, तार वीरुद पाप करला, हेरेसी हामुक लाजे पड़नु पड़्‌यो। 9 ए भगवान मालीक, भले हामु तार वीरुद मां पाप कर्‌या, तेबी तु दयाळु ने माफी आपण्‌यु छे। 10 हामु ते हामरा यहोवा भगवानेन सीकापण सामळीन बी हामु तेरा कह्‌याम नी चाल्‌या, जु आपसा चेला भगवान हामुक सामळावला छे। 11 बाकुन आखा इस्‌राएली माणसे तारा कायदान वीरुद कर्‌या, ने असा हय गुया की तारी नी सामळ्‌या। हेरे वजे सी तीना सरापेन वीचार भगवानेन पावर मुसान कायदान बारामां लिखली हतली, चु सराप हामरे पर सरी गुयो, काहाकी हामु तींद्‌रे वीरुद पाप कर्‌या। 12 ए भगवान, जी वात चु हामरे ने हामरा राज-करन्‌यान वीरुद कवलु, ची वात हंय पुरी हय गुयली छे; काहाकी जी गरा चु हामरे पर ने यरुसलेम पर नाखलु छे, असी गरा चु आखी धरती पर कांखुर बी नी नाख्‌यु। 13 जसो मुसान कायदा मां लिखलो छे, तसीत जी आखी गरा हामरे पर आय पड़ी, तेबी हामु हामरा यहोवा भगवानेन मान्‌ने वाटे नी ते भुंडला काम सी फीर्‌या, ने नी आपसी छाचाय्‌न वात पर धीयान देदा। 14 तेरेसी यहोवा भगवान सुची समजीन हामरे पर गरा नाख्‌यु, काहाकी हामरु यहोवा भगवान जतरो काम कर्‌यु, तीनु आखा मां धरमी ठेहरे। बाकुन हामु तेरा कह्‌याम नी चाल्‌या।

15 हंय ए हामरा भगवान-मालीक, तु तारा माणसे काजे मीसर राज्‌य मां सी आपसा जुरभर्‌या हाते नीकाळ लायु, ने तारो नाव असो मटो हय गुयो, जो आज तक चाल रयो, बाकुन हामु ते पाप करला छे, ने हामु ते कुहरायत करला छे। 16 ए भगवान-मालीक, हामरा पापेन ने हामरा डाहा-डाहान नी-धरमेन साहरे यरुसलेम सहरेन, ने तारा माणसेन, ने आड़े-धड़ेन माणसेन नावबद्‌दी हवणे बाजी रय; तेबी तु तारा धरमेन साहरे आपसी रीस तारा यरुसलेम सहर पर सी छेटी कर ले, जो तारा चुखला बयड़ा पर वस रयो। 17 ए हामरा भगवान मालीक, मे तारु पावर्‌यु छे, तार नावेन साहरे, मारी दुवा ने लीलघायणु सामळी ले, तारा उजड़ला चुखला मंदीर पर तारा मुंहडान वीजाळो भबळाव। 18 ए मारा भगवान कांटा लागाड़ीन सामळ, डुळा उघाड़ीन हामरी उजड़ली दसा काजे देख ने तीना सहर काजे बी देख जे तारा कह्‌वाये, काहाकी हामु ते तारे अगळ आयड़ी-आयड़ीन दुवा करजे, चु आपसा धरमेन काम पर नी बाकुन, तारी मटली दयान वजे सी भुरसु करीन कवजे। 19 ए मालीक, सामळ; ए मालीक, पापेन माफी आप दे: ए मालीक, धीयान लागाड़ीन जो काय करनु हय चो कर, तु टेम मां करे, ए मारा भगवान तारो सहर ने तारा माणसे तारात कवाये, हेरेसी आपणा नावेन साहरे वार मां लागाड़े।

20 हीनी रीते दुवा करो, ने मारा ने मारा इस्‌राएली माणसेन पापेक माफ करतेलु, आपणा यहोवा भगवान धड़े आपसा चुखला मंदीर वाटे लीलघायन दुवा करतेलु छे। 21 जब मे दुवा करतेलु तत्‌यार चु माणुस जीब्‌राएल तीनाक मे तीनी टेमे सपनाम देख्‌यु, जत्‌यार मेसेक पेहेल देखाव पड़्‌यु, चु पाखड़ा सी उडणेन हुकुम मानीन, सांती वेळाय बादा चड़ावणेन टेमे मेसेक छीम लेदु; ने मेसेक समजाड़ीन मार पुठे वात करने बाजी गुयु।✝9:21 लुका 1:19,26 22 ने चु मेसेक असु कह्‌यु, "ए दानीयल, मे तुसेक भगवानेन अघली वात बताड़ने करीन अक्‌कल ने समज आपणे आवलु छे।" 23 जत्‌यार तु आयड़ी-आयड़ीन लीलघायन दुवा करने बाजी रवलु, तीनीत टेमे मेसेक हुकुम जड़लु, हेरेसी मे तुसेक बताड़ने आवलु छे, काहाकी तु बेसकु लाटेक्‌लु छे, हेरेसी हीनी वात पर वीच्‌यार करीन सपनान वातेक समजी ले।

24 "भगवान तारा माणसे ने तारा चुखला सहर वाटे सत्‌तर हाप्‌ता मतलब सत्‌तर साल ठेहरावलु छे, हेरेन करीन की, चे दाहड़ा सरता लग पाप हवणु बंद हय जासे, ने पाप सरनु ने गुनान माफीन बादा छुटायसे, ने जलमको धरम उजेंतु हवसे; ने सपनान ने आवती वातेन मुहर लागसे ने चुखला जागाक तेल चुपड़ीन, अभीसेक करने ने भरवणे आवसे। 25 दानीयल तु ईनी वात काजे जाणी ले ने समजी ले। की यरुसलेम काजे फीर सी वसणेन हुकुम नीकळने सी लीन नेवाड़ला*9:25 मसीह मुख्‌यान टेमे लग सात हाप्‌ता वीतसे। अळी साठ ने दुय हाप्‌ता वीतणे पर बेमटा ने खुयार समेत तीना जीलाक काठला टेम मां फीर सी वसाड़से। 26 तीनु साठ ने दुय हाप्‌ता वीतणे पर नेवाड़ला*9:26 मसीह मां सी मार नाखसे, ने तेर हातेम काय नी रवसे, ने आवणे वाळा मुख्‌यान माणसे सहर ने चुखला जागा काजे नास ते करसे। बाकुन तीना मुख्‌यान नास असो हवसे जसी नदी आवसे; तेबी आकरी लग लड़ाई हवती रवसे; काहाकी तेरो उजड़ी जाणु पाक्‌को हय गुयलो छे। 27 चु मुख्‌यु एक हाप्‌ता लक बेसका जणा पुठे पाक्‌कु वायदु करसे, बाकुन आदु हाप्‌तु वीतणे पर मेळन चड़ावु ने अनेन चड़ावु बंद कर देसे, ने मंदीर मां उजाड़ने रीस आवे असली मुरती देखाव पड़से, ने पाक्‌की करली वात पुरी हवते लक भगवानेन रीस उजाड़ने वाळा पर पड़ी रवसे।"