Eclesiastes 3

सब कुछ कर निता अक्ठी टेम

1 हर बात कर अक्ठी मउका हबै, अउ सगलू कामन के, जउन आकास कर तरी होथै, अक्ठी टेम हबै। 2 जनम कर टेम, अउ मिरतू कर टेम, बोमै कर टेम, अउ बोय हर के उखालै कर टेम हबै। 3 घात करै कर टेम, अउ निक्खा करै कर टेम, हतिया करै कर टेम, अउ बनामै कर टेम, 4 रोय कर टेम, अउ हसै कर टेम, छाती पीटै कर टेम, अउ नाचै कर टेम, 5 पथरा फेकै कर टेम, अउ पथरा बटोरै कर टेम, गले लगामै कर टेम, अउ गले गलामै लग रोकै कर टेम, 6 खोजै कर टेम, अउ भुलवाय देय कर टेम, बचाय रखै कर टेम, अउ फटक देय कर टेम, 7 फाडे कर टेम, अउ सियै कर टेम, चुप रहै कर टेम, अउ बोलै कर टेम हबै, 8 माया करै कर टेम, अउ बैर करै कर टेम, लडाई करै कर टेम, अउ सान्ति कर टेम हबै।