1 Imbe nyi zhu ri me Sima Bitrus, ivren ri ko Yeso Kristo

Me ngan hi ri yi wawa bi fe ndindi ti riwa Izhi mbu nga Yeso Kristo riwa a kpata chuwo ran no yi yosron ka iwa mbu.

2 No Izhi no ti lɨbu ndindi sro ri yi, ri son si sron kigbu ritu to Izhi nga Yeso Bachi mbu.

3 Izhi rimi gbengbren wan a no ta kya riwa ki wa iwawu ritu no ta ki son bibi riwa wa hu Zhu. Kyawa wanyi iwawu wa he wa mbu nye ritu no ta ki no sisron rimi mkpen wan ri kpunji wan. 4 Ritu rinyi nye Izhi no ta de nga chanchon ka tre dzi wawa wa bi ya ritu mba, bi to kabru riwa rimi gbengbren wan, bi ri jɨbu rimi meme ti riwa a he ri mgbumgblume riwa meme mbye ri ngɨzhi ye. 5 Ritu nganyi ti kya riwa bi ti bi ri fon ndindi sro ngan rimi kpa nyɨme mbi, rimi ndindi ti mbi no to no he ngan; 6 Rimi to mbi, no vu tu mbi no he ngan ri vu mbi, no vu sron mbi no he ngan, ri vu sron no bibi sron riwa Izhi no he ngan; 7 Ri bibi sron riwa Izhi no nyime mbi riwa wa hu Izhi rimi hu Izhi no nyɨme mbi no he ngan. 8 Ngye bibi kyawa riwa bi wa-a-en, riwa ka bi he ri wu kigbu, wa no yi he ri senkpa ran ngɨzhi kyawa wa ndindi ye sron ngan ri yi rimi to Bachi mbu Yeso Kristo. 9 Ama bi ran he ri wa ran bi ran ri to bran ran biyi bi he wa mfiyen nye bi ri kpa wurusu ri Yeso ri ngla yi rimi meme ti mbi ri sen.

10 Biyi miri vayi, son ndu ran ti ndu riwa bi ti riwa ari tsro ri bi he rimi wawa Izhi chu wa, iti ngamba bi ran kɨbu dza bi ri joku ri yosron mbi ri Izhi ran. 11 Izhi ri bu nkon ri shu ri yi no yi gra rimi kpanchison riwa a ran kre ran riwa Bachi mbu nga Yeso Kristo riwa a kpata chuwo.

12 Me wa me ri ran sonndu ran taka ri yi ritu kyawa wanyi, ko riwa bi to wa-e, nga wa ki mgbemgben rimi kpunji. 13 Ri to won, a tsra riwa me vri, me sonndu ran taka kyawa wa nyi ri yi. 14 Ri tu me to ri me gon ri kuu, bibi riwa Bachi mbu Yeso Kristo la ri mo. 15 Ri ngamba ame Bitrus me ti ri senkpa won me ri no yi ran tika kyawa wanyi bla vi kugon kuu won.

16 Ki ran ran wa ki ri la cholonchon ritu gbengbren Bachi mbu Yeso Kristo nga ri bru ye wan ran, ki to mkpen wan ri si mbu. 17 A kpa mkpen wan ri A ti mbu Izhi ka ki he ri bubu wan riwa iraan a zhu ri wawu Ti mbu ri mkpen ye ri wu ri,<<Rinyi nye he ivren won riwa me nyɨme-u bran, ari no wen sisron !>> 18 Kita kyumbu ki wo raan riwa a zhu ri shu ye-a ka ki he iwawa ri tu mgblu ri tsitsri.

19 Kita ki yo sro ritu tre riwa wa la tre Izhi wa la-a, ari bi riwa bi sren ton riwu ritu a he ka ikpan wulu rimi bu tse i mi bre kpan nga kpan ri sron mbi. 20 Ri kre wan wawu a he riwa bi to ri ila tre ri kusi ri ran he ri mbe Izhi riwa a zhu rinyu wa la tre Izhi kyumba ran. 21 Ila tre ri kusi ran ri zhu ri sron nji ran, ama iyu Izhi nye ri gra rimi sron nji ko waka la tre riwa a kpa ri Izhi.