1 Ama wa la tre Izhi wa che wa ran zhu rimi wa nji wa hu Izhi, ngamba me wa tsro wa che wa zhu rimi mbi. Wa ngiji dzi tsu ye, doka wa che, wari kamba ri nji riwa a kpa wa chuwo rimi gran ri meme ti, ri ngamba wa ngiji dzi tsu ye ri ngamba. 2 Ri ngamba, ikigbu mba wa hu nkon mba riwa shan nga ritu kya riwa wa ti imgbron mba wa tre tre meme ritu nkon ri kpunji. 3 Rimi nyɨme tumba wa ri ti che mba ri wiwiri wari kpa kya wa mbi. Ama Izhi kawan ri wa sisen mu, ikuu mba he ri nkon ri gben wa!

4 Izhi ran ka wa miri ko wan chuwo ran inde wa ti meme ti, ama a kawa ta yo rimi juju riwa a ti bu, ri bubu riwa wa lo wa ri che ri gben chachu bla tre. 5 Izhi ran ka wa sen chuwo ran, ama a ngɨzhi shu ima ye ri mgbumgblume ritu wawa wa ran hu Izhi ran, wawa a kpawa chuwo nye wa he Nuhu, ri wa a tre tre ri kpunji nga nji tamgban riwa wa nawo 6 Izhi a gon gbu Sodon nga Gomora ri wulu ran kɨma wa dzi riwa wa ran to wari taka; 7 Ran kpa Lo tu nji ri dindi chu wa riwa meme ti wawa wa ran to Izhi ran a kpa sron wan time. 8 Wawu Lo tu nji ri ndindi-a a son rimi mba bla vi a ran lo ri sron riwa a ran wo bibi meme ti mba. 9 Izhi to bibi riwa ari kpa wa ti ndindi ti chuwo rimi tsra mba nga bibi riwa ari lo wa meme ti dzi ri ndoza so yaa ran gben chachu bla tre. 10 Aran ri lo sron ri wawa wa hu meme ti mba ran, iya ri timbiye nga wawa wa tsiri kpanchi Izhi.

Inji wa tsro ri che nyi wa kpo ngamba ri tsiri nji, wa ran ri ti sisiri wa miri ko zhi ran; tsede wa kra wa tu. 11 Kau ri miri ko Izhi, wawa wa he ri gbengbren ri senkpa han wa tsro ri che nyi, wa ran ngan wa tsro ri che nyi ri kratu ri kusi Bachi ran. 12 Ama wa la tre Izhi ri che nyi wa he ka inɨma ji wa fu, wa hu kya riwa ikpa mba la wa kakre wawa wa ngɨzhi wa ritu wa ri vu wa wuu, wa kra kya riwa wa ran to-u bran ran. Wa wuu wa ka inɨma ji.

13 Izhi ri no wa yaa bran ritu wa no nji wa ri yaa wa nyɨme wa ri ran ti kyawa meme ri rira, ritu nganyi wa kpa nde mbi time wari ngɨzhi shan ye ri yi. 14 Wa sondu wa mba riwa wa kru ri wa, wa ran ri son vri ri ti meme ti ran; wa gyuru wawa ikpa nyɨme mba ri Kristo ran senkpa ran, nga wa ri no wa ti meme ti, wa su tumba bran ritu meme ti mba riwa wa ti-a. Izhi ri no wa yaa-e. 15 Wa kamba ri ti kya ndindi nga wari gra ri ti bibi meme ti riwa Balaam ivren Beyo a ti ri sen, riwa a ran ti kyawa meme ritu ran fe nkren. 16 Ngha wa yiranghan ritu meme ti wan, lankpron ka tre ri wu ka iraan nji ran no bibi ti wan ka wa la tre Izhi ka wa sra-a chuwo.

17 Wa tsro ri che wanyi wa he ka isi ima riwa a klu, wa he gbu riwa gungu ri fu wa pis, ritu ngamba, Izhi ka bubu ri ti bu mgbimgbi ka dzi ri wa. 18 Wa kpo ngamba ri kukulu ikpo ngamba ri mkpran, nga wari ri tindu ri mbye mba ri kpa wa ri vu wa jɨbu rimi wa nji wawa wa ti meme ti. 19 Wa Lo tre dzi ri wa no wa sontu mba ama wawa kyumba wa he gran meme ti nga senji ritu ki he gran kongye riwa ari tsro ta nkon. 20 Me tre rimba ritu wawa wa tsro ri cha ritu wa zhu dzu ri meme ti ri mgbumgblume nyi riwa a kpa zren nji time, rinyi ti nganyi ritu wa ka Yeso Kristo riwa a he Bachi mbu nji riwa ari kpa nji chuwo nga zizan wa bru gra rimi meme ti mba nga meme ti mba-a nye ri tsro wa nkon, wa he me ri kre wan han riwa wa ran he ri mimɨlan. 21 Ran bi riwa ri wawa wari ran to nkon ndidi ran han riwa wa to wari kɨma gon ti-u ritu yo tsro nkon riwa wa tsro meme nkon riwa wa tsro wa. 22 Ikya riwa a ye riwa a tsro ri itre kɨbu kɨbu wanyi-a la wa kpunji:<<Yawu ran bru ren kya riwa a so ki ran,>>Nga,<<Dushu ri ko riwa wa sukpa ari bru hi ran ka gra rimi bɨzhe.>>