1 Bi fe nɨron ritu bi he riwa Kristo nyn ko bi fe si sron ritu kpa nyɨme wan ko bi ran kabrutu rimi wu ko bi he ri kpa nyɨme ri lo sron rimi mbi? 2 I bi he bibi kya wa nyi me ibreyi bi ri no sron wen no sho ri kinklan sron no sho ri son mbi ri tika riri ri nyɨme riri ri nufi riri 3 Ran ti ngun nga kpo nga wen ran ama ka tu wen yo me nga ri ban tu vayi wan han wa me. 4 Ko ngaa no ran milan kya wan ti ran nsɨshe ran ama no milan vayi wan ti nga wen. 5 No wawu mbi ban rereKristo Yeso. 6 Kristo a he Izhi janji Ama a ran ban tu wan tra ri Izhi ran. 7 Ritu ngamba a ran ban tu wan he kyari ran ran ban kpa nji to gran riwa wa ti wu ka nji. 8 Ngha wa ri ban wu to nji a ka tu wan yo me ran hu tre ka zi ri tu kuu kuu ritu konkron. 9 Ritu ngamba izhi no kpen han ko ngiye ran no nde riwa a han ko nde riwa. 10 Rit nde Yeso nyi nji wawu wa ku ngbazhu ri shu wulu ri meme ri ndodza gbungblume, 11 Ko rɨme ngaa a ri shada ri yoo Kristo Bachi nye ritu wa no Izhi a ti kpan.

12 Ritu ngamba wa kpan won riwa bi hu tre ka ziri vi ri vi ime ran he ri si won ran riwa me ran he ran ran ti ndu kpa chuwo wn ri sisri, 13 ritu zhi riti ndu rimi sron mbi no kya wa a ndi no wa sho ritu wan.

14 Ran ti kya ri janyu ran. 15 ritu bi ri ran he wa ti meme ti ran riwa bi he tsitsri miri Izhi riwa wa ran he ri ikan ran bi son ri nzan wa meme riwa son mba a ran bi ran bubu riwa bi kpa rimi mba ka bibi kpan ri ghungblume, 16 riwa wu ngɨzhi tre vri gbengben nga me ri kpo ngawon ri vi Kristo riwa me ran wulutsu ka me ran ti ndu kuki ran. 17 Ama riwa bi wa wen ride so ritu sro yii nga ndu riwa a ri ye rimi yo sron mbi, me ngɨri ri yi wa mbi. 18 Bi yi ngawen ngɨri ri me.

19 Me yo sron rimi Bachi Yeso ritu me ti Timoti ye ri yi gbagbla ritu a me ngawe me ri fe senkpa ri wo tre mbi. 20 Me ran he ri njo to wawu riwa a ri milan yi ngɨshi bran to wawu ri ti ran. 21 Ko ngaa ri ya tu wan ri kya i wa a bi ama a ran kya wawa wa Yeso Kristo ran. 22 Ama bi to bibi nji riwa Timoti he a ti he a ti ndu ri me to vren rimi bla tre ri ro. 23 Me yo sron ritu me ti wu ndu gbagbla me ri to bibi kya wawa wa hi ri me. 24 Ngha me yo sron ri Bachi a me me ye gbagbla. 25 Ama me taka a bi riwa bi no abadoritus no bru ye vayi won ikpa ndu won lo kpa riwa bi ti wu ndu no milan ya wen. 26 A si ti mbye a ri to wawu mbi a lo sron bran ritu riwa bi wo a ran he si kpa ran. 27 Kpunji tre a lo to a ri kuu ama ka lo Izhi sron ritu wan a ran he wawu ngɨshi wan ran ri a me ngawen ran ran he nga mba ran sron shnji ran bran ri mon. 28 Ritu nga ngi me yo sron me ri ti wu ndu bi ri ngiri riwa bi bru to-u no lo sron won no von rega. 29 Bi ka kpa ri ngiri bran ritu Bachi no bibi mba kpen. 30 A ti hure riwa ran kuu ritu ti ndu Kristo a ri de vri wan ritu no zon wen bibi riwa bi ran to zon wen ran.