1 Zhu ri Bulus Tmoti riwa wa he gran Krisro Yeso dzu riwa wa he tsitsri rimi kristo Yeso riwa wa he ri Filibi ri mgbron nji ri wa wa mɨlan ya hu Izhi nga wawa wa ti ndu wan. 2 Ndindi nga sisron riwa zhi a ti mbu ri Bachi Yeso Kristo no he ri yi wawu.

3 Me ngɨri Izhi ri vi ri wa me tika mbi. 4 Rimi ibrewon wawu ri yi me si bre ri sron kinklan, 5 ritu bi katu kabru ri tre zhi riwa a gbuchi zhu ri ri ri ye zizan, 6 ri yo sron nga nyi, ritu nji riwa a gbuchi ti ndu dindi ri wu ari ngɨwu kre ri ri Kristo Yeso.

7 A tre ri me si taka ri yi nga nyi wawu mbi ritu bi he ri sron won ritu wawu mbi bi kabrutu ri me rimi dindi Izhi ri vi riwa wa tre wen ri tra trn nga la tre ri ro riwa a he janji ri nga mba. 8 Izhi nye a he shada won a to bibi kya riwa me ti mbiye mbi wawu ri nye Kristo Yeso. 9 Ibre won a he no nyɨme mbi no ran bran bran nga ri to Izhi nga ito riwa a he to bran, 10 Ri nyi a ri zon yi bi ri to chu kya riwa a bi han ritu vi riwa Kristo ri ye bi ri son ri tsitsri riwa kyari ran sa yi kpan ran, 11 Bi ri she ri wɨlo dindi riwa a ye dzu ri Yeso Kristo ri mkpen nga gbre Izhi.

12 Imiri vayi ron-ron ri miri mba me wa bi ri to ikya riwa a ti ri me no he tre ri ro riwa a ri shan, 13 Wa klu kpa ri ko chu ri mgbron nji wa to ri wa tre wen ri tra tre ritu Kristo nye. 14 Itren won riwa wa tre ri tra tre miri vayi won riwa wa bran rimi Bachi wa fe sen kpa ri shada tre Izhi riwa wa ran ti sisri ran, 15 Wari wa bla tre Kristo ritu ti ngun ri nyɨme tu nye, ama wa ri wa ti ritu dindi. 16 Wa nyi nye riwa wa bla tre Izhi ri to dindi wa bla tre ritu nyɨme nye ritu wa to wa tre wen ritu me kpa tre dindi chuwo riwa a ro nye. 17 Wa mba nye wa bla tre Izhi ritu Kristo rimi nyɨme ritu mba nga a ran ri nyɨme mba ran. Ri nyɨme ritu mba nye me son me ran so yaa ri tra tre. 18 To a ran he kya ran ikya riwa a he nga ko a he bibi tan ko ri ti sron che ko ri ti kpanji, wa bla tre Izhi ritu Kristo nye ri nyi a ri no wen me ti sron kinklan. Een me son ran gbuchi ti sron kiklan. 19 Ri nga mba me to ritu ibre mbi nga ri zon wu Kristo Yeso ri kre wato wa wa ri ka wen chuwo. 20 Mi ti mbiye nga me ri yo sron me ri ran katu won no ri shan rimi ndu Bachi ran ama me ri tre ri shu senkpa sron rimi kya wa wu riwa me ti no Kristo no fe kpan zizan ri ko naa ri vi ri mi won ko mi he ri si ko me kuu. 21 Ritu won ime sonri i ritu Kristo nyn ime kuu a he wa wu riba nye. 22 Ime son imi kpa me i ndu riwa a ri bi Ama me ran to bibi tan riwa me chu ran. 23 A he ri yaa riwa me chu me nyɨme me ri kuu nga me ri he i Kristo ritu a ri bi bran mon. 24 Ama a he riwa me son rimi kpa riwa a ri bi riyi. 25 Ritu a he kpunji ri mon nyyin, me to me son ri yi wawu bi ri bru mgbron rimi kinklan sron rimi yo sron mbi. 26 Riwa me he ri yi nganga bi kpo ngambi rimi Kristo Yeso a ri bran ritu won. 27 Bi ka milan son bibi ro tre dindi riwa Kristo ri ngamba ko me ye to yi ko me ran bru ye ran me wo tre mbi sron mbi riri ritu yo sron tre ri ro, 28 Ran ti sisri nkpan fu mbi ran bibi nyi a he janji ri yi ritu wa kuu ama ri hi janji kpa yi chuwo nye. bibi janji nga nyi a zhu ri Izhi. 29 Ritu ti dindi riwa a ti ri yi ritu Kristo a ran ritu bi kpa nyɨme ri wu nkɨshe ran ama bi ri so yaa ritu wan. 30 Bi ri so yaa bibi riwa bi to me so bi si ri wo me so ye zizan.