1 Ritu son tumbu nye Kristo kpa ta chuwo kuklu, ki mgbemgben, ran bru kɨma ngambi gra ri son ri graan ngaran.

2 Wo wen ame Bulus me la yi inde bi no wa fon yi nju ka bibi ti riwa nji Yahuda wati, ari he iri Kristo ran he kyari ri yi ran. 3 Ronron wawa wa fon wa nju iwawu, me fen yi ton no yi hu doka Musa. 4 Wawa wa wa wari hu Izhi zu ri hu doka Musa wa ka nkon Kristo chuwo wa ran he rimi dindi ti riwa Izhi ran. 5 Ama kita wawa ki he wa Yeso nye ki yo sron ri Yeso ki ri gben riwa ki kpa kya riwa Iyu Izhi la ta ri ki yo sron. 6 Kita wawa ki he ri Yeso, ko wa fon wu nzhu ko wa ran fon wu nzhu ran rimba ran he kyari ran ama ki yo sron mbu zu ri nyɨme ngambu.

7 Bi ran he ri kpa nyɨme bran bran, ko ngye nye zu yi ri kpa kpunji tre zizan? 8 Ikɨma hi gon mbi ran zhu ri Izhi ran. 9 <<Vi mumu ri kpa kpi fu nye ri no nchon mumu no fu,>> Bibi riwa wa tre. 10 Me kpa nyɨme riyi rimi Izhi me he ri yo sron ritu mbi riwa bi ran hu tre ri nkan ran nji riwa ari kpa sron mbi time ko a he ngaan, a ri to ya riwo Izhi. 11 Imiri vayi won, i me kawon si tre tre Izhi hi ri ifon nju he no wa fon, ritu ngye ko wa no wen ya? Ka rimba he kpunji, to itre tre kpan Kristo ri konkron ran ngɨzhi janyu ye ran. 12 Ran bi riwa wawa wa kpa sron mbi ri time no wa kamba ran hi, no wa kamba hi wari yira ngamba. 13 Biyi miri vayi wa yo yi ritu son ri tumbi, ama ran no son tumbi no he kya riwa ari no yi ti kya ri nyɨme sron mbi ran, tsede bi ka hu ngambi ri nyɨme ngambi. 14 Ritu doka wawu wa kau zi ri wulo tre riri:Iri,<<Kpa nyɨme ri nji ri kusan wen bibi riwa wu kpa nyɨme ri ngawen.>> 15 Inde bi kambi ri no ngambi ya bi ri ri tan ngambi nyiri mɨlan ya, bi ka kpa nga mbi time.

16 Ikya riwa me tre ri no Yuu no tsro-u nkon sonwen, riwa wu ran no nyɨme sron wen ri kpa no kpa nyɨme ri sron ri meme ti ri wa nji ran. 17 Ikya riwa isron mbu riwa kpa ri wa Iyu Izhi ran ri nyɨme, ikya riwa Iyu Izhi nyɨme isron ri kpa ran nyɨme-u ran ikya hari wa nyi wa he kpan nfu ngamba nga rinyi wu ran to ti kya riwa wu wa wuri ti ran. 18 Inde Iyu Izhi ngɨzhi yi ri zren, ka bi ran he rimi doka Musa ran nye mba.

19 Indu riwa kpa ri kri ri rira, wato wa ikru miri nze iwa miri mba, meme zren, nga meme ti; 20 ritu Izhi riwa bi ran to-u ran, iya tsu, ri iyo ngambi kusi, ijanyu, ri nngu, ifu nga nyɨme tuwen, iwanyu ri tsutsu, ison nkankan. 21 iti huu, hi, iti ntran nga ngbron bibi mba. Me fen yi ton bibi riwa me ti risen ri wawa wa ti bibi kyawa wanyi, wana fe bubu son ri ko Izhi ran.

22 Ama Iyu Izhi ri ngɨzhi nyɨme, kinklan sron, ri sisron, ivusron, dindi ti, iti kya ribi, iti tsra, 23 iti rerenga vu tu. Wawa wa ti bibi kyawa wa nyi doka Musa ran vu wa ran. 24 Wawa wa he riwa Yeso Kristo nye wa ka meme ti mba chuwo ri meme timba nye mba riwa a he ri kpa kankankan. 25 Tunde ki kii rimi Yuu, no son mbu no he bibi riwa gbengbren Yuu. 26 Ki ran no nzu tu mbu gyuru ta ran, kiri ran wa ngambu nyu, ran ti huu ri ngambu ran.