1 Miri vayi ka bi vu njo ri bubu ti meme ti, biyi wawa bi he rimi Yuu Izhi bi ka ngɨzhi-u ye ri nkon ri reretre, bi ri milan ya ngambi ritu riwa biyi ngawen bi ran zii gra rimi wan ran. 2 Ban yaa ngambi, rimi nganyi nye bi hu doka riwa Kristo. 3 Inde njo tre ri wawu he kyari, ama a ran he kyari ran, ari gyuru ngawan nye. 4 Ko ngaa ka tsra tuwan to, inde a to a bi, imba nye ari kpongawan ritu kya riwa ari ti kyuwan a a ti, a ran tsra ri kya njo rinkan ran, 5 Ko nga he ri kpi riwa ari ban. 6 Ko ngaa riwa a kpa tre Izhi, ari ga kya wan wa dindi ri nji riwa a tsra-u.

7 Ran no wa gyuru yi ran: Ritu wa ran ri ti Izhi ndan ran. Inji ri sren kya riwa a chu. 8 Izhi ri no wawa ikpa mba tsro wa kya ri nowa ti ya. Ama wawa wa Yuu Izhi sisron wa son hi ri kre ri Izhi ritu kya riwa Iyu Izhi ri ti ri wa. 9 Ki ran kumbra ri ti dindi ti ran, ritu ki sondu ran sren, inde ki ran kumbra ran. 10 Ritu ngamba ki ran dzon ko ngaa, inde a bi, a zizan wawa wa hu Izhi.

11 To bibi kpolo ngaa riwa me ngaa ri yi ri wo won!

12 Inji wawa wa wa wari tsro ri wawa wa to rimi kpa, wawa nye wa wa wari vuyi to rimi gbengbren ri no yi fon nju, ritu wa wurutsu so yaa ri kpan konkron riwa wa kpan Kristo. 13 Ko wawa wa fon wa nzhu wa ran hu doka ran isu mba nye wa wa wa no wa fon yi nzhu wa ri ka don kpo ngamba ri yi ritu riwa wa fon yi nzhu. 14 Ama ame me ran kpo ngawon ritu kyari ran, tsede,ritu kpan Bachi mbu Yeso Kristo, riwa ritu kuu wan ri tu konkron me ka kyawa wa mgbumgblu mme don, nga mgbumgblu ka wen don. 15 Ko ifon nzhu, ko a ran fon nzhu ran, a ran he kyari ri mo ran, ikya riwa a he wuwu nye he kya riwa ngɨzhi-u sisa. 16 Me bre Izhi no isisron ri losron ri wawa wa hu gba nyi iwawu, wato wa nji Israila riwa Izhi. 17 Ri kre wan, no njo no ran bru ngaa wen ran ritu wa nkpan riwa wa he ri kpa won riwa ari tsro ri ame me he nji ri tindu ri Yeso. 18 Wa kpan won, Me ibreno dindi ti Izhi no he ri yi wawu mbi, no he ngamba.