1 Ko Ingye nye ki tre ritu Ibrahi A ti wa timbu? ingye nye a to ritu ti tsra ri Izhi? 2 Ka Ibrahi a ti tsra ri Izhi ritu kyawa riwa a ti ari he ri kya riwa ari kpo ngawan ri wu ama a ran ri kusi Izhi ran. 3 Imbe Izhi tre ri,<<Ibrahi a kpa nyime ri Izhi nga ritu Yosron wan Izhi a yo-o rimi wawa wa ti tsra kusi wan.>> 4 Inji riwa a ti ndu wa no kya ritu ndu wan, ama a ran he de ri kuklu ran; a he kya riwa a ti ndu ritu wan. 5 Ama nji riwa a yosi rimi Yosron a ran rimi ndu wan ran nga nji riwa a kpanyime ri Izhi riwa ari no wawa wana ri ti bibi wa Izhi ran no wa ti tsra kusi Izhi a he Yosron-a nye Izhi ri ya ran no wa he wa ti tsra ri ngawan. 6 Rinyi nye he kya riwa Doda a ran tre ritu wan riwa a tre ritu wan riwa a tre ri kinklan sron nji riwa Izhi ban wu a he nji ri ndindi ti a ran ritu a ti ndu ritu wan ran.

7 <<Kinklan sron he wa nji riwa wa ka meme ti wan rega nga wari ka meme ti wan don ri wu!

8 Kinklan sron he wa nji riwa Bachi ran bla meme ti wan dzi ran!>>

9 Kinklan sron nyi riwa Doda a tre ritu wan-a he wa wawa wa fon wa nju kakre nye? Onhon! A he wa wawa wa ran fon wa nju ran ngawen ikya riwa ki tre a he rimi mbe Izhi nye ri,<<Ibrahi a kpanyime ri Izhi nga ritu Yosron wan Izhi a ban wu no he nji ri ndindi ti.>> 10 Shitan nye Izhi a ban wu he nji ri ndindi ti? A he ka wa ran fon Ibralu nju rina ka kugon riwa wa fon wu nju? A he ka wa ran fon wu nju rina. 11 Wa fon wu nji kugon nga ifon nju wan-a a tsro ri ritu Yosron wan nye Izhi a ban wu ri a he nji ri ndiditi ri ko wa fon wu nju nga ritu ngamba Ibrahi he A ti ri wu riwa wawa wa kpa nyime ri Izhi nga Izhi ri kɨma wa he wa ndindi ti ko ri riwa wa ran fon wa nju ran. 12 Ibrahi he ti wawa wa fon wa nju ngawen ama nga wawa wa hu bibi ti riwa Yosron riwa A ti mba ibrai a he ri wu ri ko wa fon wu nju rina.

13 Riwa Izhi a katre dzi ri ibrai nga wa nghɨran wan ri mgbumgblume ri he wa ma, a ti ngamba a ran ritu ibrai a hu doka ran ama ritu a kpanyime nga Izhi ka kpa-a ti nji ri ndindi ti ri ngawen, 14 Ka ikya riwa Izhi katredzi ritu wan a he riwa wa no wawa wa hu doka Musa nye imba yosron ran he kyari ran nga ika tredzi riwa Izhi ri he kukulu. 15 Ama doka ri ngɨzhi fu Izhi ye. Ama bubu riwa doka ran he ran ika hu doka ran he ran. 16 Riti ngamba ikatredzi ri he rimi Yosron nye ritu no katredzi riwa Izhi no he wa wa nghɨran Ibrahi a ran wawa wa hu doka kakre ran ama ri wawa wa kpanyime bibi riwa Ibrahi a ti ngawen. Ritu Ibrahi he A ti mbu wa hu Izhi wawu. 17 bibi riwa imbe Izhi tre ri,<<Me ban wu no he ti wa rɨme wawu ri mgblume.>> Ikatredzi bi ri kusi Izhi: nji riwa Ibrahi kpanyime ri wu shime ri bubu gru nga riwa a kɨma kya riwa a ran ri viri ran no viri. 18 Ibrahi a kpanyime nga ran Yosron ko ri riwa ikyari a ran he riwa ari yosron ran nga ka he,<<A ti gbungblume wawu.>>Bibi riwa imbe Izhi tre ri,<<Wa nghɨran wen wa kigbu ka intsen hwa. 19 A don tsawen riwa ise wan ran he gbigba ri ama yosron wan a kawan senkpa ri riwa a taka kpa wan riwa a ran kuu-e ritu nchon, nga ritu Saratu a ran ngɨzhi vren ran. 20 Yosron wan ka ran ka-u chuwo ran nga a ran yo sron hari rimi katredzi riwa Izhi ran yosron wan a no gbengbren nga ka gbre Izhi. 21 A nyime iri Izhi ri ti kya riwa a ka dzi iri wawu ri ti. 22 Ritu yosron Ibrahi nye,<<Izhi a ban wu a he nji ri ndindi ti.>> 23 Itre<<A he nji ri ndindi.>>Wa ran ngan ritu wan kakre ran. 24 Wa ngan wa ritu kita wawa wa kpa ta he wa ndindi ti ngawen wawa ki kpanyime riwu riwa a ta Yeso Bachi mbu shime ri bubu gru. 25 Ritu meme ti mbu wa ka Yeso de no kuu nga wa tashime ritu ran no ta ki ti tsra ri kusi Izhi.