1 Ko ingye nye ki tre, ki sondu ran ti meme ti bibi riwa no ndindi ti Izhi no bran? 2 Onhoon! ki kuu rimi memeti, Ko ari he se no ta ki son rimi wan? 3 Ka bi ran to ran, riwa wa ran son ta tu ri ima rimi kabrutu ri Kristo Yeso wa ran son ta tu ima rimi kabrutu ri kuu ri wu ran? 4 Ritu son ta tu ri ima-a wa no ta yibi ri wu nga ki he rimi kuu wan ngawen ritu bibi riwa wa ta Kristo shime rimi kuu ritu gbengbren mkpen A ti nga ki ri son rimi son ri sa. 5 Riwa ki he riri ri wu rimi kuu bibi riwa a kuu ngamba nye mee ki he riri ri wu rimi tashime riwa a he. 6 Nga ki to iri wa kpa mbu ri meme ti sen wa wu-u ri Kristo ritu kon kron ritu no wa wuu gbengbren meme ti ri kpa ritu kiri ran he gran meme ti ngaran. 7 Ritu riwa ki kuu ri Kristo ki jibu ri gbengbren meme ti. 8 Riwa ki kuu ri Kristo ki kpanyime ri ki son ri wu. 9 Ritu ki to ri Kristo tashime ri kuu Ikuu-a ran han mgbembren wan ngaran. 10 Ri ngamba ritu a kuu, ikuu ran he ri gbengbren ritu wan ngaran, nga zizan ari sonson wan ri Izhi kakre. 11 Ri ngamba nye mee bi taka ngawen ka ikɨmo ri wo gbengbren meme ti, ama ison rimi kabrutu ri Izhi hu ri Kristo Yeso.

12 Memeti no ran han gbengbren kpa mbi ngaran ritu bi ri ran ti meme ti ngaran. 13 Ran ka gbɨre kpa mbi ri no meme ti no ti ndu ri meme ti wan ri wu ran, Ara bi ka tu mbi no Izhi bibi riwa wawa wa vu wa rimi kuu ye vi son si, nga bi ri ka kpa mbi wawu no riwa ari ti ndu ritu ndindi ti. 14 No meme ti no ran he ti ko mbi ran ritu bi ran he ritu doka ran, ama ri ndodza ndindi ti Izhi.

15 A bi ngamaba riwa ndindi ti Izhi kpata chuwo ri wo doka ko mbaron ki sondu ran ti meme ti nye mba? Onhon! 16 Bi ran to ran ka bi katu mbi yo riwa bi he wa hu tre njo ka bi he gran nji riwa bi hu tre wan-a nye mbana? Bi to he gran meme ti riwa ari ngɨzhi nji hi ri kuu ko ka bi hu tre Izhi riwa ari ngɨzhi yi hi ri son ri ndindi ti ri Izhi. 17 Ama ingiri he wa Izhi! Riwa bi ran he gran risen ama zizan bi hu tsro riwa ki tsro yi ri sron mbi riri. 18 Wa kpa yi chuwo riwo meme ti nga bi kɨma he gran bi he gran ndindi ti. 19 Me tre ri yi bibi riwa nji nye, ritu kughiren mbi riwa nji bibi riwa ri sen bi sondu ran ka kpa mbi nga meme ti hu kyawa wa zuu nga meme ti riwa a ran kigbu hi ka kre ngabba nye zizan bi ka ka kpa mbi yo rimi hu ndindi ti ritu bi ri he wa wa wa ki ri tsitsri. 20 Riwa bi ran he gran meme ti bi ran fe nkon ti ndindi ti ngaran. 21 Ingye nye bi fe risen rimi kya riwa ishan ri ti yi ritu wan zizan? ikya riwa bi fe ritu wan he kuu! 22 Ama zizan riwa wa kpa yi chu wo rimi meme ti nga bi he gran Izhi ikya riwa bi fe rimi wan nye ngɨzhi yi hi rimi son ri tsitsri nga ran ngɨzhi vri riwa a ran kre ran ye ri yi. 23 Ritu ikya riwa bi fe rimi meme ti a he kuu, ama ikya riwa Izhi ri no yi he vri riwa a ran kre ran rimi kabru tu ri kristo Yeso Bachi.