Inyime Izhi Rimi Kristo Yeso
31 Ri ya kyawa wanyi wawu, ingye nye ki tre? Ka Izhi he kusan mbu, ingaa nye ri yo ta kusi? 32 Izhi ran ka vren wan nnyo ta ran, ama a ka-u no ta wawu! A ka vɨren wan no ta ko a ran ka kongye no ta ran? 33 Ingaa ri ngaa nji wawa Izhi ju wa ri meme ti? Izhi kyuwan kɨma wa ti wawa wa ran ti meme ti ran! 34 Ko inga ri wuu wa? Aran Kristo Yeso ran, riwa a kuu, ko ka riwa a tashime ri kuu nga ran son ri kuwo ri Izhi, ran ri bre wu ritu mbu! 35 Inga nye ri ga ta ri nyime Kristo? Ka iwanyu, ka iyaa, ka iyon, ka ika he ri kya, ka ikya meme ka ikuu? 36 Bibi riwa imbe Izhi tre ri,
<<Ritu wen nye bla vi ki he ri bubu meme ri kuu;
wa no ta yaa ka ki he ntɨma wawa wa ngɨzhi wa ri hi bubu han.>>
37 Onhon, rimi kyawa wa nyi wawu ki he ri hangbengbɨren hu ri wawu riwa a nyime ta! 38 Ritu me to ri ikyari ran ga ta ri nyime Izhi ran: ka ikuu ka ivri, ko ka miri ko Izhi ka wa kpanchi ri shu ka gbengbren riwa a he, ka zizan ka kusi, 39 ka mgbumgblume ri shu ka ri meme, ikya ri ran he rimi mgbumgblume riwa ari to ga ta rimi Izhi riwa a he wambu hu ri Bachi mbu Kristo Yeso.