Məkínə lyʉʉhə-shʉəŋ-kə ghɔŋbə lyʉʉhə-kəlɛɛŋ-kə
1 Mbʉətə bətieŋkɔŋ-bɔŋ, kə bii mə bɛ́ŋ bʉə bənchəŋ ndə bɔ̂ŋ ghɔ̀ŋ mbɔ bɔ̂ŋ kie mbʉ kəLyʉʉhəNyii mu mbʉə-bɔŋ fɛ, b̈ɔŋ yúotə bɔŋ ndə mənyíɛ mbɔ mbʉ kəlyʉʉhə ndə bɔ̂ŋ kie gwè hə kəghɔ-Nyii mɛɛ. Bʉʼka buŋmbi bʉəyʉkəŋgieNyii nə mbii nɔʼ wɔ̀ʼnə mu kəwʉʉnəmbi. 2 Nɔ bɛ ntɛ nɔ ndə bəkɔ bʉʼʉ kínə mbɔ wo kie LyʉʉhəNyiikə, kaʼ wotəmiyɔŋ ndə ɔ ghɔ̀ŋ mbɔ Jiso Klai nɔʼ kə gwè bɛ woməsʉʉ, ndʉʉmɛ, təmə ɔ nɔ kie LyʉʉhəNyiikə. 3 Wo ndə ɔ gòʼ təmə ghɔ̀ŋ mbɔ Jiso kə gwè bɛ woməsʉʉ fɛ, kie LyʉʉhəNyiikə fɛ. Yɔ̄ŋ-yə nɔ bɛ lyʉʉhə-Wobàa-Klai-kə nɔ ndə bii kə yʉ́ mbɔ i tʉʼ gwè bɔŋleʼ kə́ bɛ mu kəwʉʉnəmbi nduɔ.