1 Anu ka këmëkin an bana ñuikë profetakamaribi Israel unikamanu ꞌiakëxa, usa ꞌain ka an këmëkin bana ñuikin ꞌunamikë mitsunu ꞌiti ꞌikën. Atun ka min ꞌunanumaishi bana ñuikin bëtsi bana anumi tëmërati anu ꞌimiti ꞌikën, usakin ꞌakin ka an nu ië́mia nukën ꞌIbu ax ꞌisa këmë ꞌikë kixun kati ꞌikën, usai kikë anunbi ka atux tëmërati ꞌikën.

2 ꞌItsaíira unin ka an akë ꞌatima ñu abi nuikin ꞌati ꞌikën, atu kupin ka ꞌatimati upí bai a ñui, ax ka asérabima ꞌikë kia banati ꞌikën.

3 An kurikishi kuëënkë, an ka mitsu ꞌunamiki paranti ꞌikën; ꞌainbi ka a unikama uisai kara tëmërati ikë an atu kainia, usa ꞌain ka anun tëmërati an bëramabi nan ꞌixun kainia.

4 Diosan ka ángelkama ꞌuchakë a aín ꞌucha tërëama ꞌikë, ꞌakima ka manë tsi bëankibukë anu niakëxa, manë risi tëkërëkaxu ëankëxa anubi ꞌinun.

5 Usaribikin ka Diosan nëtë xëni aín ꞌucha kupí ꞌakëxa, usaki ꞌakima ka baka chaíira uni ꞌaisama kama këñunu ꞌëmiakëxa, ꞌimainun ka Noé, an upiti tsóti ñuixunkë a, ꞌimainun mëkën achúshi këñu rabë́ unishi ië́miakëxa.

6 Diosan ka Sodoma ꞌimainun Gomorra ëma, aín chimapushi ꞌitanu nëankëxa, ax ka usaribi okin ka uni ꞌatimakama ꞌati ꞌikën.

7 ꞌAinbi ka Diosan Lot axa achúshi uni upí ꞌikë ië́miakëxa, ax ka anu ꞌikë unikama ñu ꞌatima ꞌaia isi masá sinani itsaíira tëmërakëxa.

8 Lot ax ka upí uni ꞌaish atubë tsóakëxa, ax ka aín nuitu mëu ñu ꞌatima unin ꞌaia isanan kuati tëmërai tsoakëxa.

9 Nukën ꞌIbun ka ami katamëkë unikama uisa ñu kara ꞌikëbëtanbi akinti ꞌikë kixun ꞌunania, ꞌainbi ka an ñu ꞌatima ꞌakëkama anun tëmërati nëtë utamainun ënti ꞌikën.

10 Nukën ꞌIbun ka tëmëramiti ꞌikë, kamabi an kuë́ënkë ñu atima akëkama. ꞌImainun an bana kuakima ꞌain kushi timakin ñu ꞌati kuë́ënkë ianan iskëma bëruñunshi kushi kamami rakuëtima kuaikë a tëmëramiti ꞌikën.

11 Usa ꞌain ka ángelkaman atux kushíira ꞌaibi, nukën ꞌIbun ismainun kushikama a ñui atimati banaima.

12 Ënë unikama ka ñuinasa ixun kuatima, usa ꞌaish ka ñuina sinanimaishi bakënía unin bixun akësa inun; aibi ka kuatimabi banai ñu atima akë anubi bamai këñutia.

13 Min bëtsi tëmëramikë usaribiti kamina tëmërakani. ¡Usai ibi kaina ñu upí akësa inun xabanua kamabi netën kuë́ënin. Usa aish ka katë́ ꞌimainun chaniokë ꞌikën, atubëmi timë́kë ax ka këmë ꞌikën!

14 Usa ꞌixun ka xanu kuë́ëntisa tanki isia; a kupin ka tantima ꞌuchaia, usa ꞌixun ka këmëti ꞌunaira ꞌixun uni kushimakama parania, an ka ñu ñuira ꞌixubi ñu kuë́ënkë, ꞌatimakama a ꞌikën.

15 Ka bai puntë ëni amami chikia nitsia, usa ꞌaish ka an bana ñuikë Balaam Beornën bëchikënën, kuríki kuë́ënkin ása usokin ꞌatima ñu ꞌaia.

16 Usa ꞌain ka ꞌain ꞌucha kupín ñukakësa okin kakëxa: achúshi ñuina chaa ax uni banakësari kushin banakin kakëxa, usa ꞌaibi ka upioki sinabiani kuama ꞌikë.

17 An këmëkin ñu ꞌunamikë atux ka kini aín ꞌumpax ëskikë usa ꞌikën: ꞌImainun ka suñu kushin, nëtë kuin ubankësa ꞌikën. Diosan ka anuaxa tëmërati bëankibukëira anu niti ꞌikën.

18 Usa ꞌain ka axa uni parani ñankashi banakë ax këmë ꞌikën. Usai ꞌikin ka an kuëënkë ñu ꞌanun kixun ꞌësëkin, ꞌatima ñu ꞌanun kixun bëtsi parankin, ñu ꞌatima ꞌaia tëmërakë aín, ꞌuchakë ëinsa tankë a parania.

19 Mi kana asérabi kain añu ꞌuchabi kamina inutima ꞌai, atunbi ka ñu ꞌaisama ꞌakibi aibika ënima. ꞌAinbi ka aín ñu ꞌatima ꞌakë anunbi këñuti ꞌikën, usa ꞌain ka kamabi uni, ax an ñu mëmikësa ꞌikën, usa aín ꞌuchakë ënima abi ꞌuchaia.

20 Atux ka ñu ꞌatima ëni nukën ꞌIbu Jesucristomi sinani ië́axa, ꞌaibi ka ënë menu ꞌikë ñukama sinani bërama iasamaira ꞌinuxun ꞌatima ñu aia.

21 Usa ꞌain ka atun, usai ꞌinuxun bai upí a ꞌunantima ꞌiaxa, a ꞌunantankëx ꞌatimati nitsi ami manútëkëntima kupin bana upíira a ꞌunantima ꞌiaxa.

22 Këmëkima kana kai unikama ax ka asérabi kuënëo bana kikësai ꞌia: —ꞌUchitinën ka kinantankëxun aín kinan pitëkënia. Usaribiti ka kuchi ꞌianën chuatankëx amiribishi men ꞌitë́këni chubaia.