7 Nek da in bi kok ice naton kudot nkyɔrɔk fɛ́ Adakunom mi di tonong, ba di te kurɔk fi ku sot ti itsitsan ni irɔm. Tɛ asam aShetan fɛ́ ba sak na a di nesek iyɔm, kɔng in bi kok ice. 8 Ite kataat, in tsɛsɛk aTisa ni a di tun iko. 9 Awɛt iwu fɛ̀ ni imi; <<Itek hom da kyem, nek kukyem hom nes ayit kurat ngɔn.>> Nek anɔng, in da bang nye itɛrɛk iyɛ, ni itsot kugwɔm ayɛt kurat hom, nɔng kukyem Anet-Isheshek da sot gung ni imi. 10 Nek anɔng, imi bi iyɛ ikan ayɛt kurat hom, ayɛt ncɛɛt ibyes fɛ́ ba di nyes e, ayɛt mgbang, ayɛt izot, ni nzam-nzam iyɔm fi in di ses nek Anet-Isheshek. Nek izen fi in se gbɛrɛk, ni izen e yɔng, ni in ses agap.