2 BaKorinti 6

4 Na akaakyi irèn tɛ bafi itomong Adakunom, in mi sak yit ni iyɛ yit fok: Ke ayɛt mgbang, ke ayɛt izot, ke ayɛt iyɔm, 5 ke ayɛt itosok, ke ayɛt inyang, ke ayɛt idoro nhwyɛ, ke ayɛt itomong, ke ayɛt avit nda natuk, ke ayɛt nzong. 6 Ke ayɛt kusot kucɛ́l, ke ayɛt irēn, ayɛt akabɔk, ayɛt nggɔn ntek, ayɛt iras kutomong na Kabik aJɛrɛ, ayɛt atitup ishim; 7 ayɛt kucɛɛt atsak, ayɛt kukyem Adakunom; nɛ ares itsom atsak ni ibɔk kuyak nɛ ni imen yit. 8 Ayɛt iratek fɛ́ ba ki nesek yit ni ibyes fɛ́ ba ki nyes yit e, ayɛt mbɔɔs fɛ́ ba ki nyes yit e ni itere fɛ́ ba ki nyes yit e.

Ba mi ki sok yit tɛ bafi mbɔɔs, ngma na anɔng iyit nyeseng yit naton atsak yit; 9 Banet ki rēn yit gyat, ngma na anɔng, ba ki sok yit tɛ bayɔng fɛ́ ba ka ba rēn awo, tɛ bayɔng fɛ́ ba tsin kus, di yin, in tsin ya yit kashon ni kutset, tɛ ba tsin ki nesek yit mgbang, ngma na anɔng ba mi ki fɛs yit awo. 10 Tɛ bayɔng fɛ́ ba se ayit kafa kawe, ngma na anɔng in se yit ayit ifeng, tɛ bakan ngma na anɔng, in sas banet dot sosok barum, tɛ bayɔng fɛ́ ba se vit ikyɛng, ngma na anɔng in bɛ̀ yit kaakyi ikyɛng.