AYohana 1

45 AFilibus wat a di berem a tsɛ a tsɛt aNataniyel a da fɛ̀ ni wu, <<In mi sɛ yit anet e ayɔng fɛ́ aMusa nɛ áware kin di jɛk naton wu! Iyerek wu yet aYeso, nggon aYusufu anet aNazaret.>>

46 ANataniyel fɛ̀ ni wu, <<ANazaret a! Ikyɛng kak itek da kyem ine nɛ aNazaret a?>>

AFilibus fɛ̀ ni wu, <<Ngɔn bit kyɛk i da tsi i di nɛ ayisi ngɔn.>>

47 Izen fɛ́ aYeso di aNataniyel tsɛ wuruk, a fɛ̀ ni wu, <<Anet atsak yong a tsɛ a wuruk, atutup kutes aIsrela.>> 48 ANataniyel ku nye irip yɛ, <<Ngɔn tsa nɛ fi i di rēn ɛ?>>

AYeso fɛ̀ ni wu, <<Neeme ni ngɔn resek ni tin atafo, dan aFilibus na tsɛ a da sɛ, imi ma na in da di.>>

49 ANataniyel fɛ̀ ni wu, <<Anet Itees, ngɔn yet Arim Adakunom, agwɔm aIsrela!>>

50 AYeso fɛ̀ ni wu, <<Ngɔn wat i nɔɔk atsak ngma nek imi fɛ̀ ni ngɔn, in mi da di ni tin atafo yɛ? I da di agbat ntomong fi nnat nnang.>> 51 A ban fɛ̀, <<Atsak e yet ngma yin i bi di yin kazanɛn ni itarak, nɛ batomaza Adakunom tisik nɛ ba ngarak ni ce Arim Anet.>>