23 Ama fɛ́ batsom e, mi gang itekak aYeso, ba sok nkpin wu, ba kaba ina nasa na naas, kaangan ba ne kasa kafuu. Ba tɛ ba sok kukpin wu kufe ayɛt e, fi ku se vit itos, fɛ́ ba bat iko gbol sak aben.

24 Ba fɛ̀, <<In bi sarak yit iko awo, won in di barak yit icang ni ko, in da di yit angan wu a da ya iko e.>>

Ikyɛng deng te anɔng, nɔng ba bin di shining ikyɛng fɛ́ ba ki mang jɛk ni fumung aJɛrɛ ye,

<<Ba kabasa nkpin in nate ba,

nɛ ba di bara icang

ni kukpin ayɛt hom,

nɔng ba bin di,

ayɔng fɛ́ a da ya iko.>>

Ikyɛng e deng fɛ́ batsom e kin nye dɔng.

25 Banet fɛ́ ba se ni nyeseng bakat ni kukum itekak aYeso me ba kin yet, nggɔ wu, nɛ banganyining nggɔ wu; aMarya abin aKilopas, nɛ aMarya afɛ́ aMagadala. 26 Izen fɛ́ aYeso di nggɔ wu, nɛ afi-imɛɛs wu yɔng, fi iwu shim ni nyeseng bakat azɔng, a fɛ̀ ni nggɔ wu, <<Aneng, di nggon ngɔn ka>> 27 A ma fɛ̀ ne afi-imɛɛs wu me, <<Di nggɔ ngɔn yo.>> Nkum atuk e yɔng sak ashon, afi-imɛɛs e wat a tseng ni iwu sak ari wu.