Kukyang ni ifeng
1 Yɔkɔnɔng fi in bɛ́ yit kusot kutabat ashon Adakunom nek inɔɔk atsak, in mi sɛ yit kusot kukyang ne Adakunom fi ku ne na aTisa yit aYeso Kristi. 2 Ni wu fi in mi sɛ yit kunɔ ayit itek fi in di se yit yɔkɔnɔng, nek inɔɔk atsak yit. In bɛ̀ yit ifeng ni ite iyɛ imoon mbɔk iyit ízɔk Adakunom. 3 Da idɔng kyɛk awo, in bɛ́ yit iyɛ ikan ayit mgbang yit, nek in rēn yit fok mgbang bes ne anyɛk, 4 nɛ anyɛk bes ni nggɔn ntek, ni nggɔn ntek nesek ite iyɛ na Adakunom. 5 Ni ite iyɛ yit ki tes yit nsum awo, nek Adakunom mi ki korok yit ishim wu na ayɛ yit ni irèn Kabik aJɛrɛ fɛ́ ba mi ki nɔɔk yit.