In ku yit na anɛn batset na Anet-Isheshek
1 Akyɛ fi in da fɛ̀ yit kong ɛ? In da ya yit kashon ni iras anɛn, nɔng Adakunom da ki tonong yit mo itek wu yɛ? 2 Ko ni kuro! Na anɛ fi iyit fi in mi kus yit na anɛn yit, da ti in sot yit bafi ira me yɛ?
6 Nek iyit rēn yit fok, ba kin tekak anet azen yit gung ni iwu, nɔng ba bin di fɛt nggɔn anɛn irɔm yit, nɔng da in bi ti in sot yit basam inɛn awo.
11 Kpaf anɔng, fa yin ace yin tɛ bayɔng fɛ́ ba mi kus na anɛn bá, awɛt ba yet batset na Adakunom nek kusot fɛ́ ba se ne ayɛt Anet-Isheshek aYeso. 12 Nek anɔng, i bi won yin inɛn ni i ya igwɔm ayɛt nrɔm yin fi in kus awo, ni inɛn e ki sas yin ni ras yin nggɔn ishim nrɔm yin. 13 Da i bi nasap yin nkap nrɔm yin ni iras inɛn awo, ni in sot ares itomong anyas awo, tit ni nasap yin ace yin na Adakunom, tɛ bayɔng fɛ́ ba mi ka ba tirik ni iku sak ni isɛ kutset. Nasap yin nkap nrɔm yin na Adakunom, tɛ ares ntomong ntek. 14 Nek inɛn da ti i sot atekari yin awo, nek da i ti se yin na ngamang ntsi awo, tit na ngamang itek Adakunom.